Exodus 23:8 - Holy Bible Nigerian Pidgin English

⁸ “Make una nor take bribe, bikos bribe dey blind pesin eye and spoil good pipol.

Exodus 23:8 ပူးပေါင်းရင်းမြစ်များ

Psalms 15:5

Some pipol dey borrow money give odas without intrest and dem nor dey kollect bribe to lie for pesin head. Di pipol wey dey do dis kind tins, go stand gidigba forever.

Psalms 26:10

Dia hands dirty with di wiked tins wey dem don do and dem dey always take bribe.

Proverbs 15:27

Long-trot dey kill pesin family finish, but doz wey hate bribe, go get long life.

Proverbs 17:23

Wiked judge dey take bribe for sekret and bikos of dat, dem nor go give korrect judgement.

Proverbs 17:8

Some pipol tink sey bribe dey work like majik; dem bilive sey e fit do anytin wey dem wont.

Proverbs 19:4

Rish pipol dey always get new friends, but poor man nor fit keep di small ones wey e get.

Ekklesiastes 7:7

True-true, opreshon fit turn wise man to fool, just as bribe dey korrupt di mind.

Isaya 1:13

Make una stop to bring una yuzles ofrins bikos di smell of di incense wey una dey burn, dey make mi vex. I nor wont una new moon festival; una Sabat and where una for dey gada woship mi, bikos sin don spoil all of dem.

Isaya 1:23

Una leaders don rijet mi and na tif bi dia friends; dem dey always kollect bribe from pipol. If pipol wey nor get papa and mama and doz wey dia husband don die bring dia kase kom meet una, una nor dey defend or listin to dem.

Isaya 33:15

Di pesin wey dey do and tok wetin dey rite; wey nor dey shit poor pipol, bikos e get pawa and wey nor dey take bribe, join doz wey kill pipol or join do bad tins,

Isaya 5:22

Una own don finish! Pipol wey bi champion for where dem for dey drink ogogoro! Dem dey get heart well-well wons e rish to mix difren drinks!

Isaya 5:23

Dem dey free pipol wey dey guilty kon opress doz wey dey innocent, bikos dem don take bribe.

Ezekiel 22:12

Some of una dey kill pipol, bikos of money. Some dey put intrest for di money wey dem borrow dia kountry man and dem dey get plenty gain thru dat one. Dem don forget mi.” Dis na wetin God wey get pawa tok.

Hosea 4:18

Afta dem don drink plenty wine, dem go-go sleep with ashawo; bikos dem like disgrace pass honor.

Amos 5:12

Una sin and all di bad-bad tins wey una do, I know as dem bad rish. Una ponish good pipol; dey take bribe and nor allow poor pipol get korrect judgement for kourt.

Mikah 7:3

Dia hand dey only like to do bad tins! Doz wey bi ofisas and judge, na only bribe dem wont. Doz wey get pawa, dey use am get wetin dem wont.

Deutronomi 10:17

Bikos di Oga una God na God of all gods and Oga of all ogas. Na en bi di great Oga God, di God wey dey do wonders, God wey nor dey do wayo and nobody fit bribe am.

Deutronomi 16:19

Make una nor judge anyhow or judge wetin una nor know. Make di judge dem nor take bribe from pipol, bikos bribe dey blind wise pesin eye kon spoil betta pipol mind.

1 Samuel 12:3

Naw, as I dey here so, anybody fit tok bad about mi before God and di king wey E choose? I don use force take anybody animal? I don do anybody wrong? I don opress anybody? I don take bribe from anybody hand wey make mi nor tok trut? Make una tell mi and I go ansa una!”

1 Samuel 8:3

But en boys nor follow wetin e tish dem, instead dem dey take bribe and nor dey judge well.