Exodus 23:26 - Holy Bible Nigerian Pidgin English

²⁶ Evry woman go get shidren and doz wey get belle for una land, go must born pikin and una go get long life.

Exodus 23:26 ပူးပေါင်းရင်းမြစ်များ

Jenesis 25:8

Den Abraham die for betta old age. E really old and live betta life. E die go join en grand-grand papa dem.

Jenesis 35:29

Den Isaak kon die go join en grand-grand papa dem. E old well-well before e die and e live en life komplete. En sons Esau and Jakob kon go beri am.

1 Kronikles 23:1

Wen David don old well-well, e kon make en pikin Solomon, king for Israel.

Job 21:10

All dia kattle dey get belle and born without trobol or wahala.

Job 42:17

So, Job die for betta old age.

Job 5:26

Just as rice dey wait until den won harvest am, na so too yu go old before yu die.

Psalms 107:38

E bless dem, so dat dem go born kon plenty for di land and na so too E make dia animals plenty.

Psalms 144:13

Make difren-difren food full awa store house. Make di animals wey dey awa land dey plenty more-more.

Psalms 55:23

But Yu, my Oga God! Yu go send wiked pipol go di pit where distroshon dey. Doz wey dey kill pipol and doz wey dey lie, go kwik die, but as for mi, I go trust di Oga, wey bi my God.

Psalms 90:10

Na seventy years Yu give us! Some pipol even dey rish eight years. Even di estra years wey human being dey live, na pain and trobol full am; but di years go soon disappear and wi go fly go.

Isaya 65:20

Small shidren nor go die again and evribody go get long life. Even wen pesin don rish hundred years, dem go sey e still dey yong. If dem die before dat time, e go bi sign sey, I ponish dem.

Hosea 9:14

Oga God, na wetin I won sey make Yu do to dis pipol? Make dia wimen nor get belle at-all and nor let dem train dia own shidren!

Deutronomi 28:4

God go bless una shidren and una plants. E go still bless una animals and dia pikin wey dem go born.

Deutronomi 4:40

If una obey all di laws and kommand wey I dey give una today, e go betta for una and una shidren. I dey give una dis kommand, so dat una go get long life for di land wey di Oga una God dey give una forever.

Deutronomi 7:14

For all di kountries for di eart, na una God go bless pass. Evry man and woman among una go get shidren and una animals go dey born too.