Exodus 20:8 - Holy Bible Nigerian Pidgin English

⁸ Make una remember to keep di Sabat Day holy.

Exodus 20:8 ပူးပေါင်းရင်းမြစ်များ

Jenesis 2:2

For di sevent day, God finish di work wey E dey do and E kon rest.

Jenesis 2:3

God bless di sevent day kon make am holy, bikos na dat day E stop all di work wey E dey do since.

Nehemaya 13:15

For dat time, I si pipol for Judah dey make juice from grapes for Sabat Day. While some dey load korn, wine, grapes, figs and oda tins on-top dia donkey kon take dem go Jerusalem. So I warn dem sey make dem nor sell anytin for Sabat Day.

Nehemaya 9:14

Yu tish dem sey make dem keep di Sabat Day holy kon give dem yor laws thru yor savant, Moses.

Exodus 23:12

“Una go work for six days, but make una nor work for di sevent day, so dat una melu, donkey, slave and strenjas wey dey work for una, go rest.

Exodus 31:12

God kon tell Moses,

Exodus 35:1

Moses gada Israel pipol kon tell dem, “Dis na di word wey God sey una must do.

Isaya 56:2

I go bless pipol wey always dey keep di Sabat Day and obey di kommand. I go bless doz wey nor dey do wiked tins.”

Isaya 58:13

God sey, “If una keep di Sabat Day holy and una nor run follow wetin una wont dat day; if una value my holy day and honor am and una nor travel, work or tok yeye word for dat day,

Jeremaya 17:21

God sey, “If una value una life well-well, for Sabat Day, make una nor karry any load pass di gates for Jerusalem

Jeremaya 17:22

or bring anytin kom out from una house or do any work. But make una si am as holy day for God, just as I kommand and tell una grand-grand papa dem.

Jeremaya 17:24

“God still sey, ‘Una must obey all wetin I kommand. Una must nor karry load pass di town gates for Sabat Day. Una must si Sabat as holy day and una nor go do any work for dat day.

Ezekiel 20:20

Make una keep di Sabat holy, so dat e go bi sign for di kovenant wey wi make and e go remind una sey na mi bi di Oga wey bi una God.’

Levitikus 19:3

Each of una must respet en papa and mama and una must keep my laws. Na mi bi Oga una God.

Levitikus 19:30

“ ‘Make una keep di Sabat Day and honor di house where una for dey woship mi. Na mi bi God.

Levitikus 23:3

“ ‘Una go work for six days, but di sevent day, na di day wey una suppose rest. For dat day, una nor go work, but una go gada woship God.

Levitikus 26:2

Una must keep di Sabat Day and honor di place where dem for dey woship mi. Na mi bi Oga God.

Nombas 15:32

Wen Israel pipol still dey for wildaness, dem si one man dey pak wood for Sabat Day.

Deutronomi 5:12

Una must obey di Sabat Day, just as di Oga una God kommand una.