Exodus 20:4 - Holy Bible Nigerian Pidgin English

⁴ Make una nor do any image like wetin dey heaven, eart or inside wota.

Exodus 20:4 ပူးပေါင်းရင်းမြစ်များ

1 Kings 12:28

Afta e don tink am well-well, e make two melu image with gold kon tell en pipol, “Israel pipol, e don tey wen una dey go woship for Jerusalem. Naw, make una si di god wey bring una kom out from Egypt!”

2 Kings 17:12

Even as God kommand dem rish, dem still dey woship dia yeye juju.

2 Kronikles 33:7

Di juju image wey e make, e put am for God Temple, di place wey God tell David and Solomon en pikin sey, “Dis temple for Jerusalem, na-im I don choose among Israel land, as my house forever.

Psalms 78:58

Dem dey make God vex as dem dey build shrine for oda gods; dem really make God jealous with dia juju.

Psalms 97:7

But disgrace dey follow pipol wey dey woship juju; doz wey dey make mout about dia god wey nor bi anytin, bikos evry oda god must bow before di Oga awa God.

Exodus 20:23

So make una nor use silva or gold take make any oda god join mi.

Exodus 32:1

Wen di pipol si sey Moses nor dey kom down from di mountin, dem gada round Aaron kon tell am, “Make yu make one god for us wey go lead us, bikos wi nor know wetin don happen to Moses wey take us komot from Egypt!”

Exodus 32:23

Dem tell mi sey, ‘Make yu make god wey go lead us, bikos wi nor know wetin don happen to Moses wey take us komot from Egypt.’

Exodus 32:4

Aaron kollect and melt di gold kon mold melu for dem. Wen di pipol si di melu, dem kon sey, “Israel pipol, dis na di god wey lead us komot from Egypt.”

Exodus 32:8

Dem kwik-kwik turn komot from di way wey I kommand dem o-o! Dem melt gold take make melu for demsef and dem don dey bow and offa sakrifice to am sey, ‘Israel pipol, dis na awa god wey take us komot from Egypt.’ ”

Exodus 34:17

Make una nor mold or woship any gods.

Isaya 42:17

But for all of una wey trust juju, wey dey koll image una gods, dem go sofa and disgrace una.”

Isaya 42:8

Na mi bi God and na my name bi dat; I nor go share my glory with anybody or let juju follow mi share my praiz.

Isaya 45:16

Pipol wey dey make juju, go shame and disgrace go follow dem. All of dem go waka go with disgrace.

Ezekiel 20:7

I tell dem sey make dem trowey all dia juju and make dem nor dirty demsef with Egypt juju, bikos na mi bi di Oga wey bi dia God.

Ezekiel 8:10

So I kon go look. Dem draw snake with oda bad animals and all dia juju for di wall.

Ezekiel 8:3

Di tin whole my hair with en hand. Den for dis vishon, God Spirit karry mi fly go Jerusalem. E take mi go di gate where dem dey pass for di nort side for di temple and one juju wey dey make God vex, dey der.

Levitikus 19:4

Make una nor woship juju or make juju with iron. Na mi bi di Oga una God.

Levitikus 26:1

God tell dem, “Make una nor make juju for unasef or make image, pila, stone kon dey woship am. Na mi bi di Oga una God.

Nombas 12:8

So I go tok with am face-to-face and nor bi with word wey e nor go undastand and e go si as God bi. So wetin make una nor dey fear to tok against my savant Moses?”

Acts 17:29

So, as e bi sey wi bi God pikin, make wi nor tink sey God bi like image wey human being use gold, silva or stone take make.

Romans 1:23

bikos instead make dem woship God wey dey heaven, dem kon dey woship image wey dem mold or karve like pesin, bird, animal or snake.

Deutronomi 16:22

Make una nor ever build juju house kon woship dem, bikos di Oga una God nor like all dat kind tin.

Deutronomi 27:15

‘Anybody wey make juju or image to woship, na curse go follow dat pesin, bikos juju wey human being dey make, na sin to God. Den all di pipol go ansa, “Amen.”

Deutronomi 5:8

Make una nor make any juju with anytin wey dey heaven; eart or for inside wota.

Revelashon 16:2

So di first angel pour wetin dey en basin put for di eart. Den di pipol wey get di beast mark and doz wey dey woship en image kon get sore wey dey pain well-well for dia body.

Revelashon 9:20

But di pipol wey dis tins nor kill, nor still gri turn from sin kom meet God wey go save dem. Dem kontinue to serve demon and juju wey dem make with gold, silva, bronze, stone and wood. Dis juju nor dey si, hear or waka.

Judges 17:3

So e give di money back to en mama, den di mama sey, “Bikos I nor wont make di curse follow my pikin, I dey dedikate dis money give God. I go use am take buy wood kon make juju wey dem kover with silva.”