Exodus 20:16 - Holy Bible Nigerian Pidgin English

¹⁶ Make una nor lie for una neighbour head.

Exodus 20:16 ပူးပေါင်းရင်းမြစ်များ

Psalms 15:3

Doz wey nor dey judge odas, wound dia neighbours or tok bad about dia friends.

Exodus 23:1

“Make una nor dey tok wetin una eye nor si. Make una nor join wiked pipol lie for pesin head.

Proverbs 10:18

Anybody wey pritend sey e like pesin, dey lie and anybody wey dey lie waka, na fool.

Proverbs 11:13

Pesin wey dey judge anoda pesin, nor go fit keep sekret, but yu fit trust pesin wey dey tok trut.

Proverbs 19:5

If yu bi lie-lie witness, dem go ponish yu and yu nor go fit eskape.

Proverbs 25:18

To lie for pesin head bi like to kill pesin with swod, wound am with sharp arrow or shot am.

Levitikus 19:11

“ ‘Make una nor play wayo, tif or lie.

Levitikus 19:16

Make una nor lie about anybody and if anybody dey pass thru problem for life; make una help am. Na mi bi God.

Levitikus 19:18

Make una nor revensh anybody or kontinue to dey hate di pesin, but make una love una neighbour as una love unasef. Na mi bi God.

Matiu 19:18

Di man kon ask, “Wish one for di kommandment?” Jesus ansa, “Make yu nor kill, nor sleep with pesin wey nor bi yor wife, nor tif, nor tok wetin yor eye nor si,

Luke 3:14

Den some sojas kon still ask am, “Wot of us? Wetin wi go do?” E tell dem, “Make una nor use force kollect money from anybody hand or lie for anybody head and make una salari, rish una.”

Acts 6:13

Dem bring pipol kon lie sey, “E don tey wey dis man dey tok bad-bad tins about Moses Law and dis Temple.

Efesians 4:31

Una must stop to get bad belle; to dey vex; kworel and to dey tok bad-bad word.

Deutronomi 5:20

Make una nor lie for pesin head.

1 Timoti 1:10

Di law na for pipol wey dey sleep with who dem nor marry; man wey dey sleep with man; woman wey dey sleep with woman; pesin wey dey sell pipol as slave; lie-lie pipol; doz wey dey promise and dem nor fit do am or anybody wey nor dey obey di rite tishings

2 Timoti 3:3

Dem nor get love or forgivenes; dem go dey gossip odas and nor fit kontrol diasef. Dem go dey wiked and hate wetin good.

James 4:11

My brodas and sistas, make una nor tok bad about each oda. Anybody wey tok bad or judge en broda or sista for Christ, e dey tok bad about di law and e dey judge di law. But if una judge di law, den una nor dey obey di law, but una don bikom di law judge bi dat.