Exodus 19:6 - Holy Bible Nigerian Pidgin English

⁶ Una go bi my kingdom priests and holy nashon wey dem dedikate give mi.’ Dis na wetin yu go tell Israel pipol.”

Exodus 19:6 ပူးပေါင်းရင်းမြစ်များ

1 Kings 3:8

I dey here with doz wey Yu choose as yor own; pipol wey nobody fit kount.

1 Kings 8:53

From all di pipol, Yu choose Israel pipol to bi yor own, bikos na so Yu tell dem thru Moses yor savant, wen Yu bring dem kom out from Egypt.”

1 Kronikles 17:22

Yu don turn Israel to yor pipol forever and na Yu wey bi God, bi dia God.

Psalms 114:2

Judah kon bi God temple and Israel kon bi en kingdom.

Exodus 15:26

God sey, “If una really obey di Oga una God kon do wetin good for my eyes and listin to my kommand, I nor go sofa una with all di diziz wey I send go Egypt, bikos na mi bi di Oga una God wey dey heal una.”

Exodus 22:31

“Una go bi my holy pipol, so make una nor chop any animal wey anoda animal kill for bush. Una must trow di animal meat give dogs.

Exodus 28:36

“Yu go take pure gold take make one plate and wetin yu go rite on-top na, ‘Na God holy pass.’

Isaya 43:4

I go give out many nashons, so dat una go dey save. I value una well-well and I love and honor una.

Isaya 61:6

Dem go know una as God priests wey bi en savant. Una go enjoy di nashon propaty. Den una go dey proud sey na una own.

Isaya 62:12

Dem go koll una, “God holy pipol; di ones wey God save.” Dem go koll Jerusalem, “Di town wey God love and where E go stay forever.”

Isaya 66:21

I go make some of dem priest and some go bi Levi wey dey work for God temple.”

Jeremaya 13:11

Just as nika fine and dey tight pesin for waist, na so I wont make Israel and Jerusalem pipol whole mi tight. So dat dem go bi my pipol wey go dey praiz and honor my name; but dem nor gri obey mi.”

Jeremaya 2:3

Dat time, Israel pipol dey holy to di Oga God; na dem bi di first fruit wey E plok and evribody wey won attack Israel, God dey ponish and distroy dem.” ’ ”

Jeremaya 7:23

But I kommand dem sey, ‘Make una obey mi and if una obey mi, I go bi una God and una go bi my pipol. Make una live una life as I tell una and evritin go betta for una.’

Levitikus 19:2

“Make yu tell Israel pipol sey, ‘Una must dey holy, bikos mi wey bi Oga una God, dey holy.

Levitikus 20:24

So I tell una: una go stay di land and mi mysef go gi-am to una as una own; bikos milk and honey full am. Na mi bi di Oga una God and I don separate una from di odas.

Levitikus 20:26

Una must dey holy to mi, bikos mi wey bi God dey holy and I don separate una as my own.

Levitikus 21:23

but e nor go enter di holy curtain or kom near di altar, bikos e get diziz. So e nor go offa dis tins, bikos na mi bi God and I don make dem dey holy.’ ”

Amos 3:2

“Out of all di families for di eart, na only una I know and kare for and bikos of dis, I go ponish una for all una sins.”

Haggai 2:5

My Spirit still dey with una, just as I promise wen una dey kom out from Egypt, so make una nor fear.

Nombas 16:3

Dem gada against Moses and Aaron kon sey, “Una own don too mush sef! Di kommunity dey holy; na God get am and E dey with all of us too. Why e kon bi sey yu Moses go dey karry body for God pipol?”

Romans 12:1

My brodas and sistas, God dey good. So Abeg, as una dey alive, make una dey offa una body gi-am as sakrifice. Make una dey do wetin E tok and wetin go make belle sweet am. Na dis bi di best way to serve God.

1 Korintians 3:17

So If anybody distroy God Temple, God go distroy dat pesin too, bikos God Temple dey holy and na una bi dat temple.

Deutronomi 14:21

Make una nor chop anytin wey die on en own. Una fit gi-am to strenja wey dey stay una town or una fit sell am give strenjas. But make una nor chop am at-all, bikos una bi di Oga una God pipol. Make una nor kill or chop small goat wey still dey suck breast.

Deutronomi 26:19

If una obey am, E go karry una high pass evry oda pipol wey E kreate. Den una go get praiz, honor and evribody go dey tok good about una. Una go bi holy pipol to di Oga una God, just as E promise.

Deutronomi 28:9

If una obey di Oga una God kommand kon do as E tok, E go make una en holy pipol, just as E promise sey e go bi.

Deutronomi 7:6

Bikos una dey holy and na di Oga una God bi una papa. From all di pipol wey dey di eart, di Oga una God don choose una to bi en own special pipol.

1 Tesalonians 5:27

I kommand una with Jesus name sey, make una read dis leta give all di brodas and sistas wey bilive.

1 Pita 2:5

So unasef too, don bi stone wey dey alive and God dey build una as en spiritual house, so dat una go bi priest wey dey holy and una go offa spiritual sakrifice wey E go asept thru Jesus Christ.

1 Pita 2:9

But God don choose una to bi en priest and holy pipol, so dat una go prish di Good News, bikos E koll una from darkness kon enter en brite lite.

Revelashon 1:6

di one wey give us betta kingdom kon make us priest wey go dey serve God wey bi en Papa, make glory and pawa bi en own forever and ever! Amen.

Revelashon 20:6

God don bless di holy pipol wey join for di first resureshon! And dis pipol nor go die again, but dem go bi God and Christ priests and dem go rule with am for 1,000 years.

Revelashon 5:10

Yu don choose dem as kings and priests wey go serve God and dem go rule for di eart.”