Exodus 18:11 - Holy Bible Nigerian Pidgin English

¹¹ Naw, I know sey God big pass all di gods, bikos en pipol don dey save from Egypt pipol pawa; Egypt pipol wey wiked and like yanga well-well.”

Exodus 18:11 ပူးပေါင်းရင်းမြစ်များ

1 Kings 17:24

Di woman ansa, “Na naw I know sey yu bi God savant and God dey really tok thru yu!”

2 Kings 5:15

Den Naaman and all en men go back go meet and stand for di profet front kon sey, “True-true, I don know naw sey e nor get any God for dis eart escept Israel own! Abeg make yu take dis gift from yor savant.”

1 Kronikles 16:25

Bikos God dey great and evribody must praiz and respet am pass oda gods.

2 Kronikles 2:5

I go build betta big temple, bikos awa God big and betta pass evry oda gods.

Nehemaya 9:10

Yu do wonderful mirakles against Egypt king, en ofisas and dia pipol, bikos Yu know as dem take opress yor pipol. Yu win and give yorsef name wey dem dey celebrate till today.

Nehemaya 9:16

But bikos of pride and sturbones, awa grand-grand papa dem nor gri obey yor kommand.

Nehemaya 9:29

Yu warn dem sey make dem obey wetin Yu tish, but dem rijet yor law bikos of pride and even doh yor law dey give life, dem nor gri obey am, bikos of dia strong head and sturbones.

Psalms 119:21

Yu porshu sturbon pipol; doz wey nor dey obey yor kommand and bikos of dis, curse dey dia head.

Psalms 135:5

Yes! I know sey God dey great and awa Oga God high pass oda gods.

Psalms 31:23

All of una wey dey fear and obey God, make una love am! Bikos God dey protet pipol wey dey loyal to am, but E dey vex ponish doz wey dey do wiked tins.

Psalms 95:3

Di Oga na great God! Na great King wey pass evry oda god.

Psalms 97:9

Yu, God get pawa pass evritin for dis world; so dem go praiz Yu pass any oda god.

Exodus 1:10

Make wi handle dem with sense, if not, dem go dey plenty more-more and if war happen naw, dem go join awa enemies fight us, den dem go run komot from dis land.”

Exodus 1:16

“Anytime wen una dey help di Hibru wimen wey won born, if una si sey di pikin na boy, make una kill-am, but if na girl, make una nor kill-am.”

Exodus 1:22

So Fero kommand en pipol, “Make una go kill any boy wey dem just born kon trow dem inside River Nile, but make una leave all di girls.”

Exodus 10:3

So Moses and Aaron go meet Fero kon tell am, “God wey bi Hibru pipol God sey: ‘Na how long e go take yu before yu go honbol yorsef for where I dey? Make yu let my pipol go woship mi!

Exodus 12:12

Dat same nite, I go pass thru Egypt kon kill all di first-born son inside Egypt, both human being and animals, den I go judge all di gods for Egypt. Na mi bi di Oga una God.

Exodus 14:18

Den Egypt pipol go know sey na mi bi God wen I don kollect my glory for wetin I go do Fero, en shariot and doz wey dey ride dem.”

Exodus 14:8

God make Fero heart strong well-well, so e kon porshu Israel pipol. Naw Israel pipol just komot Egypt with betta mind.

Exodus 15:11

My Oga God! Who bi like Yu among oda gods? Who bi like Yu? Di One wey dey holy, wey dey do mirakles and great tins?

Exodus 5:2

But Fero ask dem, “Who bi dis God wey go make mi fear am kon let Israel pipol go? I nor know am, so I nor go let Israel pipol go.”

Exodus 5:7

“Make una stop to give di pipol wetin dem take dey make block. But make only dem go find kon make block.

Daniel 4:37

Naw, mi Nebukadnezzar praiz, woship and hail di King wey dey heaven. Evritin wey E dey do dey rite and en ways dey pure. Pipol wey dey karry body up, E dey bring dem down.

Nombas 33:4

Naw, Egypt pipol beri all dia first-born pikin wey God kill and God still ponish dia juju.

Luke 1:51

E don do many big-big tins with en pawa and E don skata di mind of di pipol dey karry body up.

James 4:6

But E give us plenty grace. Na dis make God word sey, “God dey against pesin wey dey karry body up, but E dey give grace to pipol wey dey put dia body down.”

1 Pita 5:5

For di same way, make una wey yong put body down for di eldas. Make una nor dey karry body up for each oda, bikos God dey oppoz proud pipol, but E dey favor doz wey dey honbol.

1 Samuel 2:3

Make una stop to tok anyhow; make betta word dey kom out from una mout, bikos di Oga God na God wey know evritin wey pipol dey do.