Exodus 15:3 - Holy Bible Nigerian Pidgin English

³ Awa Oga sabi fight war, na God bi en name.

Exodus 15:3 ပူးပေါင်းရင်းမြစ်များ

Psalms 24:8

Who bi dis King wey get glory? Na God wey dey strong and get pawa well-well; God wey get pawa to fight war.

Psalms 45:3

My strong warrior! Make yu karry yor swod kon appear with yor glory and majesty!

Psalms 83:18

Den dem go know sey na only Yu bi God, di Pesin wey get pawa pass for di whole world.

Exodus 14:14

God go fight for una, so make una nor worry.”

Exodus 14:25

E make dia shariot taya sink and dem nor fit ride fast, den Egypt sojas kon sey, “Make wi run go back from dis pipol, na God dey fight us bikos of dem.”

Exodus 3:13

But Moses ansa God, “If I go meet Israel pipol kon tell dem, ‘Na una grand-grand papa God send mi kom meet una.’ Den dem ask mi, ‘Wetin bi en name?’ Na wetin I go ansa dem?”

Exodus 3:14

God ansa, “I bi Who I bi. Dis na wetin yu go tell dem, ‘Na di God wey bi who E bi send mi kom meet una.’ ”

Exodus 3:15

God still tell Moses, “Yu must tell Israel pipol sey, ‘God wey bi una grand-grand papa God; di Pesin wey bi Abraham, Isaak and Jakob God, na-im send mi kom meet una.’ Dis na my name forever and dis na wetin pipol go take remember mi from one generashon go rish anoda.

Isaya 42:13

God dey go fight war like strong soja; E dey ready to fight. E go shaut. Yes! E go shaut for war kon distroy and win en enemies.

Isaya 42:8

Na mi bi God and na my name bi dat; I nor go share my glory with anybody or let juju follow mi share my praiz.

Jeremaya 33:2

Na mi, God do dis tins! Na mi God, make di eart kon put am for where e dey so. Dem know mi as Oga God; naw I dey tell yu,