Exodus 15:15 - Holy Bible Nigerian Pidgin English

¹⁵ Den Edom leaders go fear well-well; di strong men for Moab go dey shake and di pawa wey Kanaan pipol get, go vanish.

Exodus 15:15 ပူးပေါင်းရင်းမြစ်များ

Jenesis 36:15

Di shiefs among Esau shidren; among en first-born Elifaz sons na: shief Teman, shief Omar, shief Zefo, shief Kenaz,

Jenesis 36:16

shief Korah, shief Gatam and shief Amalek. Dis na di shiefs wey kom from Elifaz for Edom land and dem bi Adah sons.

Jenesis 36:40

Dis na di shiefs name for Esau family, akordin to dia family, place and dia names. Dem bi: shief Timna, shief Alvah, shief Jetet,

2 Samuel 17:10

Den all di men wey dey strong like lion go dey fear, bikos evribody for Israel know sey yor papa na great soja and en men dey fight well-well.

Psalms 48:5

But wen dem si am, dia heart kut and fear katch dem, so dem kon run go back.

Psalms 68:2

As breeze dey blow smoke, na so too Yu go drive dem go and as butter dey melt near fire, na so too wiked pipol go die before God.

Isaya 13:7

So bikos of dis, evry hand go weak and evribody heart go fail am.

Isaya 19:1

Dis message na about Egypt: Si, God dey ride on-top di kloud kom Egypt. Egypt juju fear wen dem si am and di pipol heart kon fail dem.

Jeremaya 49:23

Dis na wetin God tok about Damaskus: “Di pipol for Hamat and Arpad town dey worry and dem nor get rest, bikos dem hear bad news. Dia mind dey trobol dem like river and dem nor fit rest.

Ezekiel 21:7

If dem ask yu sey wetin make yu dey kry, make yu tell dem sey, na bikos of di news wey dey kom. Wen di news kom, fear go katch dem well-well; dia hand nor go fit move, dia mind go fail dem and dia leg go dey shake. Di time don kom and na naw.” God wey get pawa don tok.

Nahum 2:10

Na wons dem tif and empty evritin for di town kon turn am to where dem dey trow dirty put. Dia heart melt and dia leg kon dey shake. Honga won kill pipol and pipol face don dey shange kolour!

Habakkuk 3:6

Wen E stop, di eart go start to shake and wen E look, di nashons go bigin fear. All di mountins go skata; di hills wey dey since go sink and E go dey forever and ever.

Habakkuk 3:7

I si Kushan pipol dey fear and as Midian pipol dey waka dem kon dey fall.

Deutronomi 2:4

Make yu give dis kommand to di pipol: ‘Una go soon cross una pipol Edom kountry, wey una broda Esau bi dia grand-grand papa and dem dey stay for Seir. Edom pipol go dey fear una so make una dey kareful.

Deutronomi 20:8

Den di soja oga go sey, “E get anybody among us wey dey fear or en heart dey shake? If na so, yu fit go house before yu go make anoda pesin, fear too.”

Joshua 14:8

Doz wey follow mi kon dey make Israel pipol fear, but I still dey loyal to di Oga my God.

Joshua 2:11

Wen wi hear di news, fear katch us and wi kon dey tink sey wi go die wons wi si una. Bikos di Oga wey bi una God, na God for heaven, eart and evritin wey dey under di eart!

Joshua 2:24

Dem tell Joshua, “True-true, God don really give us di land, bikos evribody wey dey stay di land dey fear us well-well!”

Joshua 2:9

kon tell dem, “I know sey God go give una dis town. Wi dey fear una well-well and evribody wey dey stay di town dey shake bikos of una.

Joshua 5:1

Wen Amor pipol kings for Jordan River west and Kanaan kings wey dey near di wotaside for Jordan River hear how God take dry Jordan River for Israel pipol make dem waka pass, dem kon bigin fear well-well.

1 Samuel 14:16

Saul men wey dey wosh for Gibeah for Benjamin kon si as all Filistia sojas dey run anyhow.