Exodus 15:11 - Holy Bible Nigerian Pidgin English

¹¹ My Oga God! Who bi like Yu among oda gods? Who bi like Yu? Di One wey dey holy, wey dey do mirakles and great tins?

Exodus 15:11 ပူးပေါင်းရင်းမြစ်များ

2 Samuel 7:22

Oga God! Yu dey great! Nobody bi like Yu. Na only Yu bi God. Wetin wi don hear, na true!

1 Kings 8:23

kon pray, “Di Oga wey bi Israel pipol God; e nor get any god wey bi like Yu for heaven or for eart! Yu do wetin Yu promise yor pipol kon show dem yor love, bikos dem obey Yu with dia whole heart.

1 Kronikles 16:25

Bikos God dey great and evribody must praiz and respet am pass oda gods.

2 Kronikles 2:5

I go build betta big temple, bikos awa God big and betta pass evry oda gods.

2 Kronikles 6:14

kon pray: “Awa Oga wey bi Israel God, e nor get any god wey bi like Yu for heaven or for dis eart! Yu dey show yor goodness to yor savant wey dey obey and respet Yu.

Psalms 113:5

Na who wi go take kompare di Oga awa God wey sidan for di high throne?

Psalms 119:120

I dey shake bikos I dey fear Yu and yor kommandments and rules dey make mi sopraiz.

Psalms 136:4

Na-im bi di Pesin wey dey do wonderful tins wey dey sopraiz pipol, bikos en love wey nor dey fail, dey forever.

Psalms 145:17

God dey rite for evritin wey E dey do; na goodness full en body.

Psalms 22:23

Evribody wey dey fear God, kom make wi praiz am! All Jakob shidren-shidren, make una kom make wi honor am!

Psalms 35:10

I go praiz God with all di bones wey dey my body kon sey: “Na who I wont take kompare with my Oga God? Na who go fit save pipol wey nor strong from pipol wey strong? Na who go fit protet pipol wey nor get help and poor pipol from tif?”

Psalms 60:2

Yu shake di eart kon tear am into two. So, make Yu join where divide, bikos di eart don dey fall.

Psalms 66:5

Make una kom si wetin God don do; di wonderful mirakles wey E do among en pipol!

Psalms 77:11

But my Oga God, I remember evritin wey Yu don do. I remember all di wonderful tins wey Yu do before.

Psalms 77:14

Na Yu bi God wey dey do great wonders! Yu dey show yor great pawa among di nashons.

Psalms 77:19

Yu waka on-top di sea go diliver yor pipol kon strol pass di great river, but nobody fit si yor footstep bikos e nor show at-all.

Psalms 86:10

bikos Yu big well-well and dey do wonderful tins. Na only Yu bi God,

Psalms 86:8

My God, no oda god bi like Yu. No one fit do wetin Yu dey do!

Psalms 89:18

Yes! Awa proteshon dey kom from God and na en wey bi di Holy One for Israel, bi awa king.

Psalms 90:11

So na who go fit know as Yu dey vex rish? Yor vexnashon strong well-well and e dey make us fear Yu.

Exodus 18:11

Naw, I know sey God big pass all di gods, bikos en pipol don dey save from Egypt pipol pawa; Egypt pipol wey wiked and like yanga well-well.”

Exodus 20:3

Make una nor serve any oda God apart from mi.

Exodus 3:20

So I go use my hand skata Egypt with all di wonders wey I go do among dem and afta all doz tins, e go let una go.

Exodus 8:10

Fero ansa, “Na tumoro.” Den Moses sey, “E go bi as yu tok, so dat yu go know sey nobody bi like di Oga wey bi awa God.

Exodus 8:6

So as Aaron stresh di stik on-top di wota wey dey Egypt, frog kom full evriwhere for di land.

Exodus 9:14

Bikos dis time, I nor go only ponish yor savant and pipol, but I go ponish yu too, so dat yu go know sey nobody bi like mi for di whole world.

Isaya 30:11

“Nor do good again, but make yu kom join us. Make yu nor tell us about di Holy One for Israel again.”

Isaya 40:18

Who dem go fit use take kompare God? How yu go fit take diskribe who God bi?

Isaya 40:25

Who dem go fit use take kompare God? E get anybody wey bi like am?

Isaya 46:9

Make una remember wetin happen before-before! Na mi bi God and e nor get any oda god. Yes! Na mi bi God and nobody bi like mi.

Isaya 57:15

Na mi bi di high and holy God, di Pesin wey go live forever. Where I dey stay, dey high and holy, but I still dey stay with pipol wey dey honbol and ready to turn from sin kom meet mi, so dat I go give dem mind and hope again.

Isaya 6:3

Each of dem dey sing dey sey, “holy, holy, holy! Na God wey get pawa, dey holy and en glory full di world.”

Jeremaya 10:16

Jakob God nor bi like dem; na-im kreate evritin and E don choose Israel as en own pipol. En name na God wey dey mighty.”

Jeremaya 49:19

“Like lion wey run kom from Jordan bush kon katch sheep for fine betta land, na so too I go make Edom pipol run komot from dia kountry. Den di leaders wey I choose go rule di nashon. Bikos e nor get anybody wey bi like mi and nobody fit shalenge mi! Wish ruler fit go against wetin I tok?

Levitikus 19:2

“Make yu tell Israel pipol sey, ‘Una must dey holy, bikos mi wey bi Oga una God, dey holy.

Mikah 7:18

E nor get anoda god like Yu; Yu dey forgive yor pipol wey survive. Yu nor dey vex forever, instead, Yu dey happy to show yor pipol yor love wey nor dey end.

Luke 12:5

But make I tell una who una must fear: Make una fear di Pesin wey get pawa to trow una inside hell-fire afta E don kill una. Yes, I tell una true word, na-im una must fear!

Deutronomi 1:30

Di Oga una God go first go fight for una, just as una si evritin wey E do for Egypt

Deutronomi 3:24

“My Oga God, yu don start to show mi yor pawa and how Yu strong rish. (Na wish god for heaven or eart go fit do wetin Yu dey do so?)

Deutronomi 33:26

Israel pipol, no god bi like una God. E dey kom help una from heaven and di sky with en wonderful pawa.

Deutronomi 4:34

Or God don ever try to diliver one kountry from anoda kountry with judgement, signs, wonders, war, strent, pawa or any oda tin wey dey make pesin fear like di ones wey God do for Egypt for una own eyes?

Revelashon 13:4

Dem dey woship di dragon, bikos na-im give di beast pawa to take rule. Dem dey woship di beast sey, “Who bi like di beast? Na who fit follow am fight?”

Revelashon 15:4

Na who nor go fear and praiz yor name? Bikos na only yu dey holy. Pipol for evriwhere go kom woship yu, bikos dem dey si di good tins wey yu dey do.”

Revelashon 4:8

Each for di for creatures get six feada and eye full di feadas. Dem nor dey ever rest for nite or day and dem dey always sey: Holy! Holy! Holy! Na-im bi di God wey dey mighty. Di Pesin wey dey since, wey dey naw and wey go soon kom.

1 Samuel 2:2

Nobody dey holy like God! E nor get anybody wey strong like Yu! E nor get any rock wey bi like God.