Exodus 14:14 - Holy Bible Nigerian Pidgin English

¹⁴ God go fight for una, so make una nor worry.”

Exodus 14:14 ပူးပေါင်းရင်းမြစ်များ

2 Kronikles 20:15

Jahaziel kon sey, “Judah pipol and doz wey dey stay for Jerusalem with Jehoshafat, make una listin! Dis na wetin God dey tok, ‘Make una nor fear, bikos of dis plenty sojas! Bikos di fight nor bi una own, but na God go fight am.’

2 Kronikles 20:17

Una nor go fight for dis war. Make una just stand kon si how God go diliver una wey bi Judah and Jerusalem pipol. Make una nor fear, make una go fight dem tumoro, bikos God dey with una.”

2 Kronikles 20:29

All di oda kingdom wey near dem kon dey fear God wen dem hear as E fight Israel pipol enemies.

Nehemaya 4:14

I si sey di pipol dey worry, so I kon tell dem, dia ofisas and dia leaders sey, “Make una nor fear awa enemies. Make una remember how great and mighty God bi, den make una fight for una brodas, shidren, wifes and una house.”

Nehemaya 4:20

So if una hear di trumpet nois, make una gada round mi and awa God go fight for us.”

Nehemaya 9:11

Yu divide di sea for yor pipol kon lead dem pass for dry groun. But Yu make di wota swallow di pipol wey dey porshu dem and dem kon sink like stone.

Psalms 35:1

My God, make Yu oppoz doz wey dey oppoz mi and fight doz wey dey fight mi.

Psalms 50:3

Awa God dey kom and E nor dey kwayet at-all. Fire dey burn evritin wey dey en way and strong breeze wey dey make nois, dey round am.

Psalms 83:1

My God, make Yu nor kwayet just like dat! Make Yu nor rijet us! Nor just do like sey e nor koncern Yu!

Exodus 14:15

Den Oga God tell Moses, “Wetin make yu dey kry to mi? Tell di pipol make dem move go front.

Exodus 14:25

E make dia shariot taya sink and dem nor fit ride fast, den Egypt sojas kon sey, “Make wi run go back from dis pipol, na God dey fight us bikos of dem.”

Exodus 15:3

Awa Oga sabi fight war, na God bi en name.

Isaya 30:15

Dis na wetin di Oga wey bi Israel God dey tok: “I wish sey una gri turn from sin kom meet mi kon dey wait with patient, I for diliver una; if una kwayet, dey wait mi, I go give una strent and pawa, but una nor gri wait.

Lamentashons 3:26

So e betta make wi sidan kwayet kon wait until God go kom save us.

Deutronomi 1:30

Di Oga una God go first go fight for una, just as una si evritin wey E do for Egypt

Deutronomi 20:4

Bikos di Oga una God dey go with una! E go fight una enemies for una kon make una win di war!”

Deutronomi 3:22

So make una nor fear, bikos di Oga una God go fight for una by ensef.”

Joshua 10:10

God make dem fear as dem si Israel pipol. Israel pipol really kill dem for Gibeon der. Israel pipol porshu dem pass Bet-Horon kon dey kill dem until dem rish Azeka and Makkedah.

Joshua 10:14

Dat kind tin neva happen before and e nor happen again. God listin to one man, bikos E fight for en pipol, Israel!

Joshua 10:42

Joshua katch all dis kings and dia land for just one fight, bikos di Oga wey bi Israel God dey fight for en pipol.

Joshua 23:10

Only one of una fit make 1,000 pipol run, bikos di Oga una God dey fight for una as E promise.

Joshua 23:3

Una si evritin wey di Oga una God do to di oda nashons and as E take fight for una.

Judges 5:20

From di sky, di stars dey move and fight against Sisera.

1 Samuel 4:7

Fear katch Filistia pipol, bikos dem fill sey difren gods don enter Israel kamp. Dem kon sey, “Dis one bad for us! Wi neva si anytin like dis before o-o!