Exodus 14:13 - Holy Bible Nigerian Pidgin English

¹³ Moses kon tell di pipol, “Make una nor fear! Make una get faith and una go si how God go take save una; bikos dis Egypt sojas wey una dey si today so, una nor go ever si dem again.

Exodus 14:13 ပူးပေါင်းရင်းမြစ်များ

Jenesis 15:1

Afta all dis tins, God tok to Abram for vishon: “Abram! Make yu nor fear! Na mi dey guide yu and yor reward go big well-well.”

Jenesis 26:24

God appear to am dat nite kon sey, “Na mi bi yor papa Abraham God. Make yu nor fear, bikos I dey with yu. Bikos of my savant Abraham, I go bless yu kon make yor shidren-shidren plenty.”

Jenesis 46:3

God sey, “Na mi bi God, di God wey yor papa serve. Make yu nor fear to go Egypt, bikos na der I go for make yu bi one strong nashon.

Jenesis 49:18

My Oga God, I trust Yu sey, Yu go save mi!

2 Kings 6:16

Elisha ansa, “Make yu nor fear, bikos di ones wey dey with us, many pass di ones wey dey with dem.”

1 Kronikles 11:14

en and en men dey di field centre kon fight Filistia pipol and God make dem win.

2 Kronikles 20:15

Jahaziel kon sey, “Judah pipol and doz wey dey stay for Jerusalem with Jehoshafat, make una listin! Dis na wetin God dey tok, ‘Make una nor fear, bikos of dis plenty sojas! Bikos di fight nor bi una own, but na God go fight am.’

2 Kronikles 20:17

Una nor go fight for dis war. Make una just stand kon si how God go diliver una wey bi Judah and Jerusalem pipol. Make una nor fear, make una go fight dem tumoro, bikos God dey with una.”

Nehemaya 9:9

Yu si as awa grand-grand papa dem sofa for Egypt; Yu hear dem wen dem kry for help for di Red Sea.

Psalms 3:8

Viktory dey kom from God. So, I dey beg Yu, God sey, make Yu bless yor pipol.

Psalms 68:21

True-true, God dey nak en enemies head; E dey nak doz wey dey always do wiked tins.

Psalms 78:53

E guide and keep dem as dem dey go; but di sea kill dia enemies.

Psalms 91:8

Una go si am with una own eyes! Yes, una go si as God dey ponish wiked pipol.

Exodus 14:30

So for dat day, Oga God save Israel pipol from Egypt pipol hand. Leta, Israel pipol kon si Egypt pipol dead body for di wotaside.

Exodus 20:20

Moses tell di pipol, “Make una nor fear, God just kom test una, so dat una go fear and always dey obey en kommand.”

Isaya 26:3

Oga God, Yu dey guide and save pipol wey dey faithful, bikos dem trust Yu.

Isaya 30:15

Dis na wetin di Oga wey bi Israel God dey tok: “I wish sey una gri turn from sin kom meet mi kon dey wait with patient, I for diliver una; if una kwayet, dey wait mi, I go give una strent and pawa, but una nor gri wait.

Isaya 35:4

Make una tell evribody wey nor get hope sey, “Make yu dey strong, nor fear at-all! God dey kom save yu and E go ponish yor enemies.”

Isaya 43:11

Yes! Na only mi bi God; di only One wey dey save una.

Isaya 7:4

Den tell am make e nor worry or fear and make e nor let anybody disturb am, bikos King Rezin, en pipol and Pekah vexnashon nor get pawa rish di smoke wey dey kom out from two firewood.

Jeremaya 3:23

True-true, hills and mountins nor fit help us. But na only Yu wey bi awa Oga God, go fit help wi, yor pipol.

Lamentashons 3:26

So e betta make wi sidan kwayet kon wait until God go kom save us.

Hosea 1:7

But I go love and sorry for Judah pipol. Mi wey bi dia Oga God, go save dem, but e nor go bi thru war, swod, bow, arrow, horse or doz wey dey ride di horse dem.”

Hosea 13:4

God sey, “Na mi bi di Oga una God wey take una komot from Egypt. Una nor get anoda God apart from mi. Na mi dey save una.

Hosea 13:9

Israel pipol, mi wey bi una only helpa go soon distroy una.

Habakkuk 3:13

Yu go save yor pipol and di king wey Yu choose. Na Yu kill di pesin wey dey lead wiked pipol kon distroy doz wey dey follow am.

Habakkuk 3:8

My God, na di sea make Yu dey vex? Yu really dey vex for di river dem? No! Yu dey kom with yor shariot kon save us!

Nombas 14:9

Make una nor dey sturbon to God and make una nor fear di pipol wey dey di land, bikos dem bi like bread to us. God dey with us and E don defeat di gods wey dey protet dem; so make una nor fear.”

Matiu 28:5

But di angel tell di wimen, “Make una nor fear, I know sey una dey look for Jesus Christ, wey dem nail for cross.

Deutronomi 20:3

E go tell dem, “Israel men, make una listin to mi! Today, as una dey go fight una enemies, make una nor fear at-all! Make una heart nor fail una or una kon dey shake for dia front like pikin wey nor well.

1 Samuel 11:13

But Saul ansa, “Una nor go kill anybody today. Bikos God don make Israel pipol win!”

1 Samuel 12:16

“So, make una stand for where una dey kon wosh di great tins wey God go do and una go si am with una eye.