Exodus 13:12 - Holy Bible Nigerian Pidgin English

¹² una must give all di first-born wey bi man, both human being and animals to Oga God.

Exodus 13:12 ပူးပေါင်းရင်းမြစ်များ

Nehemaya 10:36

Wi go karry di first boy pikin wey awa wife born go meet di priest for di temple and dem go dedikate am give God, just as dem rite am for di law. Wi go still dedikate di first melu, sheep, lamb and goat wey awa animals go born.

Nehemaya 10:37

Di bread wey wi make from di first korn wey wi harvest for each year and oda ofrin like wine, olive oil and difren kind of fruits, wi go-go give dem to di priest for di temple. Wi go give Levi pipol one out of evry ten tins wey wi get from evritin wey wi plant for awa farm, bikos na dem dey kollect am.

Exodus 13:1

God kon tell Moses:

Exodus 13:2

“Make yu dedikate all di first-born wey bi man for Israel give mi, weda na human being or animals.”

Exodus 22:28

“Make una nor tok bad about God or curse who dey rule una.

Exodus 22:29

“Make una give mi una plant and wine ofrin. “Una must give mi di first son wey una born.

Exodus 34:19

“Evry first-born wey bi man na my own; even di first pikin wey kattle, melu or sheep born.

Exodus 34:20

Una fit use one lamb take buy donkey first pikin back, but if una nor go fit shange am, den make una break en neck. Una must buy all una first-born back. Nobody go kom meet mi with empty hand.

Ezekiel 16:20

“Den di shidren wey yu born for mi, yu sakrifice dem give di juju too. Like sey di ashawo wey yu dey do nor bad rish,

Ezekiel 44:30

Di priests go get di betta part for evry first fruit or food for Israel and evritin where Israel pipol go offa give mi. Anytime di pipol bake bread, dem must give di priests di first bread as ofrin and my blessing go dey dia house.

Levitikus 27:26

“ ‘Di first pikin for evry animal na God own, so make anybody nor dedikate am to God as ofrin from en mind. Weda na melu or kattle, na God get am.

Nombas 18:15

Di first-born wey dem give to God, weda na human being or animal, go bi yor own. But di first-born for pipol and di first-born from man animal wey nor dey klean, dem must replace am.

Nombas 3:12

“Si, I don use Levi pipol take replace all di first-born for Israel. So na mi get Levi pipol,

Nombas 3:13

bikos all di first-born na my own. Wen I kill all di first-born for Egypt, I keep all di first pikin for Israel for mysef, so both man and animal na my own. Na mi bi Oga God.”

Nombas 8:17

Wen I kill all di first-born wey dey Egypt, I make all di first sons and animal for Israel holy, so dat dem go bi my own.

Luke 2:23

(as dem rite am for God word, “Evry first-born wey bi boy, dem go gi-am to Mi”),

Deutronomi 15:19

All di first male wey una animal born, una go give dem to God. Make una nor use dem take go klear una field and make una nor shear dem at-all.