Exodus 12:19 - Holy Bible Nigerian Pidgin English

¹⁹ Yist must nor dey una house for seven days and anybody wey chop anytin wey get yist, nor go dey among Israel kommunity again. Weda na strenja or Israel pesin wey dem born for di land.

Exodus 12:19 ပူးပေါင်းရင်းမြစ်များ

Exodus 12:15

“ ‘For seven days, una must chop bread wey nor get yist. So for di first day, una must remove di yist wey dey una house, bikos if anybody chop bread wey get yist from di first day go rish di sevent day, I go kill-am.

Exodus 12:20

Make una nor chop anytin wey get yist and anywhere wey una go stay, una must nor chop bread wey get yist.’ ”

Exodus 12:43

So God tell Moses and Aaron, “Dis na di law wey follow di Passova. No strenja go chop from di Passova food.

Exodus 12:48

“Any strenja wey dey stay with una wey like to celebrate Oga God Passova, dem must sekonsaiz dia men, den una must si dem as Israel pipol.

Exodus 13:3

So Moses tell di pipol, “Make una remember today wey una komot from Egypt where una for bi slave. Dis na di day wey di Oga una God take una komot with en great pawa. So make nobody chop bread wey get yist.

Exodus 13:7

Una go chop bread wey nor get yist for seven days and make una nor keep any bread wey get yist for una house.

Exodus 23:15

For di mont wey dem dey koll Abib, una go celebrate di bread wey nor get yist feast and for seven days, una go dey chop bread wey nor get yist, just as I kommand una wen una komot from Egypt. Nobody go kom meet mi with empty hand.

Exodus 30:33

Anybody wey make perfume like am or take am rub strenja, dem go drive am komot from di kommunity.’ ”

Exodus 34:18

“Una must always dey do di bread wey nor get yist feast. Una must chop bread wey nor get yist for seven days, just as I kommand and e go bi for Abib mont, bikos na for dat mont, una take komot from Egypt.

Levitikus 23:5

For di first mont for di fourteent day for evening, una go celebrate di Passova to honor God.

Nombas 9:13

If pesin dey klean and e nor travel, but e nor gri keep di Passova, make una remove am from among my pipol, bikos e nor give mi di ofrin for di rite time. E must sofa for di sin wey e kommit.

Deutronomi 16:3

Make una chop am with bread wey dem nor make with yist and una go chop dis bread for seven days, just as e bi wen una rush dey komot from Egypt. Make una chop dis bread (bikos na-im una chop wen una dey sofa), so dat as long as una dey alive, una go remember di day wey una komot from Egypt.