Exodus 10:9 - Holy Bible Nigerian Pidgin English

⁹ Moses ansa am, “Wi go-go with awa yong and old pipol; all awa shidren and all awa animals, bikos wi dey travel go do sakrifice to take honor di Oga awa God.”

Exodus 10:9 ပူးပေါင်းရင်းမြစ်များ

Jenesis 50:8

Josef family, en brodas and en papa family. But dem leave di small-small shidren and dia animal for Goshen.

Exodus 10:10

Den Fero tell dem, “I swear with God sey, I nor go let una take una wimen and shidren follow body! E klear sey yu really get wiked plan!

Exodus 10:26

All awa animal must go with us and no one go remain. Wi must take di animals go serve awa God. Until wi rish der, wi nor go fit know wetin to take serve awa God.”

Exodus 12:32

Make yu still take una sheep, goat and kattles follow body. But bless mi too.”

Exodus 12:37

Israel pipol bigin travel with leg from Rameses go Sukkot. Israel men wey travel rish 600,000 (Dem nor kount wimen and shidren join am).

Exodus 12:38

Many strenjas still follow Israel pipol komot from Egypt with all dia sheep, goat and kattle.

Exodus 13:6

For seven days, make una chop bread wey nor get yist and for di sevent day, una go do feast for di Oga una God.

Exodus 3:18

“Di eldas go agri with yu, so yu and di eldas for Israel must go si Egypt king kon tell am, ‘God, wey bi Hibru pipol God don kom meet us. Naw, make yu allow us travel for three days go inside di wildaness, so dat wi go fit go offa sakrifice give di Oga awa God.’

Exodus 5:1

Den Moses and Aaron go meet Fero kon tell am, “Israel God sey, ‘Make yu allow my pipol travel go di wildaness go woship and honor mi.’ ”

Exodus 5:3

Moses and Aaron kon sey, “Hibru pipol God don show ensef to us. So make yu allow us go di wildaness for three days go do sakrifice to awa God, so dat E nor go kill us with sickness or war.”

Proverbs 3:9

Honor God with yor money kon offa di first fruit wey yu harvest from yor farm gi-am.

Ekklesiastes 12:1

So, make yu remember and honor di Pesin wey kreate yu naw wen yu still dey yong, bikos wen yu don old, yu go sey, “Life nor sweet again.”

Nombas 29:12

“ ‘Make una gada woship God for di fifteent day for di sevent mont. Una go do dis to take honor God for seven days and una nor go do any work.

Efesians 6:4

Una wey bi papa, make una nor make una shidren vex, but make una raiz dem to follow Christ tishing.

Joshua 24:15

If una sey una nor won woship God, den today-today, make una choose who una go woship, weda na una grand-grand papa gods wey dey di oda side for di river, or Amor pipol gods wey dey di land wey una dey stay so. But for mi and my whole house, na di Oga awa God wi go woship and serve till wi die!”