Exodus 10:21 - Holy Bible Nigerian Pidgin English

²¹ Den God tell Moses, “Make yu stresh yor hand go heaven, so dat darkness go kover Egypt and dem go feel am, bikos e go tick well-well.”

Exodus 10:21 ပူးပေါင်းရင်းမြစ်များ

Job 5:14

Dem dey waka for darkness for day time. For aftanoon, dem dey waka dey find road like sey dem dey darkness.

Psalms 105:28

God kover Egypt with darkness, bikos dem nor gri allow en pipol go.

Psalms 35:6

Make Yu make dia way dark and make groun draw dem fall, as God angel dey porshu dem,

Psalms 78:49

E show dem en great vexnashon and anga. E send angels wey dey distroy tins go meet dem.

Exodus 7:19

Den God tell Moses, “Tell Aaron sey, ‘Make yu stresh yor stik wey dey yor hand on-top di river, creek and pond dem for Egypt and dem go turn to blood; even di wota wey dey inside wood and stone kontaina.’ ”

Exodus 9:22

Den God tell Moses, “Stresh yor hand go heaven make di ice-blok rain fall for Egypt; on-top di pipol, animals and evritin wey dey grow for Egypt.”

Proverbs 4:19

But wiked pipol road dark well-well; dem go fall and dem nor go si wetin make dem fall.

Ekklesiastes 2:14

Wise pipol dey si where dem dey go, but foolish pipol dey waka fall for darkness. But I still si sey, both wise and foolish pipol dey sofa di same tins.

Ekklesiastes 6:4

E for betta sey dem nor born dat pikin, bikos en life disappear enter darkness. E nor even get name.

Ezekiel 32:7

Wen I don distroy yu, I go kover di sky kon komot di stars. Di sun go hide for di kloud back and di moon nor go shine again.

Matiu 27:45

E kon happen sey, from twelf go rish three oklok for aftanoon, darkness kon kover di whole land.

Mark 15:33

Wen twelf oklok for aftanoon rish, darkness kon kover di kountry until three oklok for aftanoon.

Luke 23:44

By naw, twelf oklok don nearly rish for aftanoon and darkness kover di whole kountry until three oklok for dat aftanoon,

Deutronomi 1:30

Di Oga una God go first go fight for una, just as una si evritin wey E do for Egypt

Deutronomi 28:29

For aftanoon, una go dey find road to pass like blind pipol and doz wey dey darkness and una go dey fail for evritin wey una dey do. Pipol go always dey tif una tin and opress una and nobody go save una.

Deutronomi 4:34

Or God don ever try to diliver one kountry from anoda kountry with judgement, signs, wonders, war, strent, pawa or any oda tin wey dey make pesin fear like di ones wey God do for Egypt for una own eyes?

2 Pita 2:17

Dis pipol bi like river wey nor get wota, dem bi like kloud wey breeze dey blow anyhow and na dem God dey keep di place wey dark pass, dey wait.

2 Pita 2:4

God nor sorry for di angels wey sin, E trow dem for hell and tie dem for darkness until di day wen E go judge di world.

Jude 1:13

Dem bi like wave for sea wey dey foam kom out. Dem bi like star wey nor dey stay one place and God don keep di place wey deep pass for darkness, dey wait dem.

Jude 1:6

And I still dey remind una about di angels wey nor stay for where God put dem, but kon komot for where dem suppose dey. God don shain dem tie for darkness until wen E go judge di world.

Revelashon 8:12

Den di fourt angel blow en trumpet and wen dem divide di sun, moon and stars into three, dem fall for one part and di part kon dark. So if dem divide day and nite into three, one part for di day nor get sun again and one part for di nite, moon and star nor kon dey shine again.