Estha 1:10 - Holy Bible Nigerian Pidgin English

¹⁰ For di sevent day for di party, di king spirit kon high well-well bikos of di wine wey e drink, so e tell seven of en pesinal savant: Mehuman, Bigta, Harbona, Bizta, Abagta, Zetar and Karkas,

Estha 1:10 ပူးပေါင်းရင်းမြစ်များ

Jenesis 43:34

E give dem part for di food wey dem gi-am, but di one wey e give Benjamin, big pass dia own five times. Dem chop and drink with Josef until drink kon katch dem.

2 Samuel 13:28

kon tell en savants, “Make una look, wen Amnon don drink well-well, den if I give di orda, make una kill-am. Make una nor fear, but get mind, bikos I go take all di blame!”

Estha 1:9

Inside di royal palis, Kween Vashti sef dey do party for di wimen.

Estha 3:15

Just as di king kommand, dem kon tok evritin for di main town for Shushan and di messenjas karry am go evriwhere for di kingdom. Di king and Haman dey drink and enjoy diasef, while evribody for Shushan town, dey run up-and-down.

Estha 7:9

Den one of di king savant wey dem dey koll Harbona kon sey, “Na true, Haman even dig one pit for en house where e won hang Mordekai put and na dis Mordekai save my king life. Di pit deep rish seventy-five fit!” Di king kon sey, “Make una go hang Haman put for di pit wey e dig!”

Proverbs 20:1

Too mush drink dey make pesin tok and bihave anyhow and pesin wey dey drink too mush, nor get sense.

Proverbs 31:4

Lemuel, my pikin! E nor good make king dey drink wine and make rulers too, nor dey take strong drink.

Ekklesiastes 10:19

Party na to make pesin happy and to dey drink wine dey bring joy, but na money dey ansa evritin!

Judges 16:25

Many of dem don drink by naw, so dem sey, “Make una bring Samson kom out make e kon make us laf!” So dem bring am kom out from di prison and e stand between di two pila wey dey support di building. Dem kon dey play with am, so dat e go make dem laf.

Judges 19:6

So di two men sidan kon chop and drink, den di papa kon sey, “Abeg stay for just dis nite make yu enjoy yorsef.”

Rut 3:7

Wen Boaz don chop beleful, e kon go sleep for di end for where dem gada di rice put. Den Rut small-small waka go der, open en leg kon sleep near am.