Ekklesiastes 9:9 - Holy Bible Nigerian Pidgin English

⁹ So as far as wi dey live dis yuzles life wey God give us, make wi enjoy am with awa wife, bikos dat na awa reward for all di trobol wey wi dey face for dis world.

Ekklesiastes 9:9 ပူးပေါင်းရင်းမြစ်များ

Jenesis 26:8

Afta Isaak don stay der tey, Abimelek wey bi Filistia pipol king kon look from window and e si Isaak dey play with en wife Rebekah.

Psalms 144:4

Wi just bi like air wey dem dey breath; awa days bi like shadow wey dey fade go.

Psalms 39:5

Si! Yu don make my life short well-well and my whole life bi like one sekond to Yu. True-true, evribody life just bi like breeze wey dey blow pass.”

Proverbs 18:22

Man wey find good woman kon marry am, don si good tin and God go favor and bless am.

Proverbs 19:14

Pesin fit inherit en papa and mama propaty, but na only God fit gi-am wife wey get sense.

Ekklesiastes 2:10

I dey get anytin wey I wont and I nor stop mysef from anytin wey go make mi happy. I dey proud for evritin wey I don work for and na all dis, bi my reward.

Ekklesiastes 2:24

So I kon sey, nor-tin dey good dan for pesin to chop, drink and enjoy di work wey e dey do, bikos all dis enjoyment kom from God.

Ekklesiastes 3:13

So, make pipol chop, drink and enjoy wetin dem work for, bikos all dis tins na God gift.

Ekklesiastes 3:22

So I si sey, di best tin to do as human being, na to enjoy wetin wi don work for. Dat na di rizin why wi dey here, bikos nobody go fit bring us kom enjoy life again afta wi don die.

Ekklesiastes 5:18

I still don notis one tin, at least, dis one dey good: E good for pipol to chop, drink and enjoy dia work for di short time wey God give dem to live dia life, bikos na so God wont am.

Ekklesiastes 6:12

Who know wetin good for pesin for dis yuzles and short life wey wi dey live? Life wey bi like shadow, how wi won take know wetin go happen for di world afta wi don die?

Ekklesiastes 7:15

I don si evritin for dis yuzles life; good yong pipol wey kwik die before dia time and wiked pipol wey dey get long life.

Malakai 2:15

God nor sey, una and una wife go bi one body and spirit? Wetin make am tok like dat? Na bikos make una for get shidren, wey go bi God pipol. So, make una make sure sey, una nor break di promise wey una make with una wife.