Ekklesiastes 8:3 - Holy Bible Nigerian Pidgin English

³ Make yu nor rush komot from di king present; nor put yor hand for bad tin, bikos di king fit do anytin wey e like.

Ekklesiastes 8:3 ပူးပေါင်းရင်းမြစ်များ

Jenesis 47:9

Jakob ansa Fero, “I don stay for more dan one hundred and thirty years. And all di years wey I don spend for dis life nor many, but e nor dey eazy; di years wey I don stay, nor many rish di years wey my grand-grand papa dem stay.”

Proverbs 14:29

Pipol wey get sense, dey kontrol demsef wen dem dey vex; but doz wey dey kwik vex, dey show as dem foolish rish.

Proverbs 24:21

So my pikin, make yu fear God and honor di king. Make yu nor do anytin with pipol wey dey tok against dem,

Proverbs 30:31

Man fawol and man goat wey dey lead di odas and king wey en sojas surround am.’

Ekklesiastes 10:4

If yor oga dey vex for yu, make yu nor vex stop di work wey yu dey do, bikos gentol spirit dey korrect big mistake.

Isaya 48:4

Bikos I know how una sturbon rish; una neck strong like iron and una head bi like bronze.

Daniel 4:35

Yu nor fit kompare God with anybody for dis world. E dey do wetin E like with di angels for heaven and pipol for dis world. Nobody fit shalenge or ask am, “Wetin Yu tink sey Yu dey do?”

Daniel 5:19

Yor papa great well-well, sotey all di pipol, nashon and language dey shake and fear am. E dey kill who e won kill kon honor who e like honor or disgrace who e won disgrace.