Ekklesiastes 7:7 - Holy Bible Nigerian Pidgin English

⁷ True-true, opreshon fit turn wise man to fool, just as bribe dey korrupt di mind.

Ekklesiastes 7:7 ပူးပေါင်းရင်းမြစ်များ

Exodus 23:8

“Make una nor take bribe, bikos bribe dey blind pesin eye and spoil good pipol.

Proverbs 17:23

Wiked judge dey take bribe for sekret and bikos of dat, dem nor go give korrect judgement.

Proverbs 17:8

Some pipol tink sey bribe dey work like majik; dem bilive sey e fit do anytin wey dem wont.

Ekklesiastes 4:1

Den I tink of all di wiked tins wey dey happen for dis world. I si pipol wey dem dey opress, dey kry and nobody dey to help dem. Nobody dey to save dem from doz pawaful men wey dey opress dem.

Ekklesiastes 5:8

Nor sopraiz wen dem dey opress poor pipol or as bad judgement dey kover good judgement. Dis na bikos, di lowa ofisas must do wetin dia senior ofisas orda dem to do.

Ekklesiastes 8:9

All dis tins wey dey happen for dis world, I don tink about dem well-well kon si sey time dey for pesin to opress en neighbour as e like.

Isaya 1:23

Una leaders don rijet mi and na tif bi dia friends; dem dey always kollect bribe from pipol. If pipol wey nor get papa and mama and doz wey dia husband don die bring dia kase kom meet una, una nor dey defend or listin to dem.

Isaya 33:15

Di pesin wey dey do and tok wetin dey rite; wey nor dey shit poor pipol, bikos e get pawa and wey nor dey take bribe, join doz wey kill pipol or join do bad tins,

Deutronomi 16:19

Make una nor judge anyhow or judge wetin una nor know. Make di judge dem nor take bribe from pipol, bikos bribe dey blind wise pesin eye kon spoil betta pipol mind.

Deutronomi 28:65

For dat kountry, una nor go get peace or rest. And God go make una heart dey fear; una eye nor go dey si well and una soul go dey worry.

1 Samuel 12:3

Naw, as I dey here so, anybody fit tok bad about mi before God and di king wey E choose? I don use force take anybody animal? I don do anybody wrong? I don opress anybody? I don take bribe from anybody hand wey make mi nor tok trut? Make una tell mi and I go ansa una!”

1 Samuel 21:14

Akish kon tell en savant, “Si dis mad man! Wetin make yu bring am kom meet mi?

1 Samuel 8:3

But en boys nor follow wetin e tish dem, instead dem dey take bribe and nor dey judge well.