Ekklesiastes 7:4 - Holy Bible Nigerian Pidgin English

⁴ Pesin wey always dey tink about happiness, na fool, but pesin wey get sense, go still dey tink about deat too.

Ekklesiastes 7:4 ပူးပေါင်းရင်းမြစ်များ

2 Samuel 13:28

kon tell en savants, “Make una look, wen Amnon don drink well-well, den if I give di orda, make una kill-am. Make una nor fear, but get mind, bikos I go take all di blame!”

1 Kings 20:16

Dem attack for aftanoon wen King Ben-Hadad and en thirty-two kings wey e karry follow body dey drink for dia tent.

Ekklesiastes 2:1

I tell mysef, “Make yu go enjoy yorsef, so dat yu go know wetin happiness bi” But I kon si sey, dat one too, dey yuzles.

Ekklesiastes 7:3

E betta make pesin dey tink about life, dan sey e dey laf anyhow. Bikos to dey tink and dey kwayet, good well-well for di heart.

Ekklesiastes 7:5

E betta make wise pesin korrect yu dan make fool praiz yu.

Isaya 21:4

My heart dey shake and I dey fear well-well. Before, I dey like wen evening rish, but naw, I dey fear darkness.

Jeremaya 51:39

As dem dey hongry, I go prepare food, so dat dem go chop and drink kon happy. Den dem go sleep kon die go like dat.

Jeremaya 51:57

I go make en ofisas, wise men, leaders and sojas drink anyhow. Dem go sleep and dem nor go wake-up again. Mi, wey bi God, don tok. I bi di Oga God wey dey mighty.

Daniel 5:30

So for dat nite, dem kon kill Belshazzar wey bi Babilon king.

Hosea 7:5

Wen di king dey do party, en and en ofisas dey drink well-well and dem go dey make plans with yeye pipol.

Nahum 1:10

En enemies bi like dry shuku-shuku for bush. Yes! Dem bi like pesin wey don drink well-well. True-true, fire go burn dem like dry grass.

1 Samuel 25:36

Wen Abigail go back go meet Nabal, e dey do party for en house like king. Nabal dey enjoy ensef and e don drink well-well. Abigail nor tok anytin until di next day.

1 Samuel 30:16

So di man take David go where Amalek pipol dey and David kon si sey dem full di land. Dem dey chop and drink; dey enjoy diasef, bikos of evritin wey dem karry from Filistia pipol and Judah land.