Ekklesiastes 5:8 - Holy Bible Nigerian Pidgin English

⁸ Nor sopraiz wen dem dey opress poor pipol or as bad judgement dey kover good judgement. Dis na bikos, di lowa ofisas must do wetin dia senior ofisas orda dem to do.

Ekklesiastes 5:8 ပူးပေါင်းရင်းမြစ်များ

2 Kronikles 26:10

E still build towas wey e fence; dig many well for di desert, bikos e get many animals for di hills and plain land. E get pipol wey dey work for am for en farm, vineyard, di hills and for Mount Karmel, bikos e like farm work well-well.

Job 24:23

God fit let dem stay for peace, but en eye nor go komot for dia body at-all.

Psalms 12:5

So God ansa, “Bikos of di wiked tins wey dem don do to pipol wey nor get help and di pains wey poor pipol dey face, I go do sometin; I go fight for dem, bikos na so dem wont make I do since.”

Psalms 55:9

So my God, make Yu konfuse and skata dia plans, bikos na wahala and konfushon I dey si for di town.

Psalms 82:1

God stand for where en pipol gada put and E from der dey judge di oda gods

Psalms 83:18

Den dem go know sey na only Yu bi God, di Pesin wey get pawa pass for di whole world.

Psalms 95:3

Di Oga na great God! Na great King wey pass evry oda god.

Proverbs 22:16

If yu dey give rish pipol gift kon dey opress poor pipol make yu for get more money, yu go poor too.

Proverbs 24:12

If yu fit sey e nor koncern yu, God know and dey judge evritin wey yu dey do. E dey look yu and E know yu well-well. E go reward yu akordin to wetin yu do.

Proverbs 8:17

I love only doz wey love mi; anybody wey dey look for mi, go si mi.

Ekklesiastes 3:16

I still si sey, for dis world, yu go si wikedness for where good judgement and rite pipol suppose dey.

Ekklesiastes 4:1

Den I tink of all di wiked tins wey dey happen for dis world. I si pipol wey dem dey opress, dey kry and nobody dey to help dem. Nobody dey to save dem from doz pawaful men wey dey opress dem.

Ekklesiastes 5:9

Na evribody dey enjoy wetin di land dey produce; even king dey put hope for wetin dem harvest from farm.

Ekklesiastes 7:7

True-true, opreshon fit turn wise man to fool, just as bribe dey korrupt di mind.

Ekklesiastes 8:9

All dis tins wey dey happen for dis world, I don tink about dem well-well kon si sey time dey for pesin to opress en neighbour as e like.

Isaya 10:12

But God sey, “Wen I finish wetin I dey do for Mount Zion and Jerusalem, I go ponish Assyria king, bikos e dey proud and e too boast.”

Isaya 3:15

Why una dey wahala my pipol and sofa doz wey nor get money? Mi, wey bi God wey get pawa, don tok.”

Isaya 37:36

So God angel go Assyria kamp for nite kon kill 185,000 sojas. All of dem die before day break!

Isaya 5:7

Na Israel pipol bi God vineyard, why Judah pipol na di good vine wey E plant. E espect dem to do good, instead dem dey do bad and kill pipol. E bin dey wait to si weda dem go do wetin dey rite, instead pipol wey dem kill, dia blood dey kry go meet God.

Isaya 57:15

Na mi bi di high and holy God, di Pesin wey go live forever. Where I dey stay, dey high and holy, but I still dey stay with pipol wey dey honbol and ready to turn from sin kom meet mi, so dat I go give dem mind and hope again.

Ezekiel 18:18

But for en papa wey play wayo, tif and dey wiked to evribody, go die bikos of di sins wey e kommit.

Amos 5:12

Una sin and all di bad-bad tins wey una do, I know as dem bad rish. Una ponish good pipol; dey take bribe and nor allow poor pipol get korrect judgement for kourt.

Amos 6:12

Horse fit run well on-top rock? Abi human being fit ride horse on-top wota? Yet, una don turn bitter judgement to poizin and good to bad.

Mikah 2:9

Una porshu wimen from dia house kon take evritin wey God give dia shidren.

Zekaraya 8:6

God wey dey lead heaven sojas sey, “My pipol wey remain fit tink sey all dis tins nor dey possibol, but with mi wey bi Oga God wey get pawa well-well, evritin dey possibol.”

Malakai 3:5

Oga God sey, “I go judge pipol wey dey do majik; doz wey dey sleep with who dem nor marry; pipol wey dey tok wetin dia eye nor si; oga dem wey nor dey pay dia workers; doz wey dey opress wimen wey dia husband don die, shidren wey nor get papa and mama again and strenjas. Dem dey do like dis, bikos dem nor dey fear mi.

Luke 1:32

E go big well-well and dem go koll am God wey dey for heaven pikin and God go gi-am en papa David throne.

Luke 1:35

Di angel ansa am, “Di Holy Spirit pawa go kover yu. So di pikin wey yu go born, go dey holy and dem go koll am God Pikin.

Luke 1:76

And yu, my pikin, pipol go koll yu God profet and na yu go-go prepare di road for di Oga God,

Acts 12:23

At wons God angel kon nak Herod fall for groun, bikos e nor give God glory and plenty worm kon chop en body till e die.

Romans 11:33

Who fit know how God big rish? Who fit know how God wisdom and undastandin bi? Who fit esplain why God dey do wetin E dey do!

James 2:13

Judgement nor get mesi for anybody wey nor dey mesi for odas, bikos mesi betta pass judgement.

1 Pita 4:12

My friends, make una nor sopraiz sey una dey pass thru trobol like pesin wey fire dey burn, bikos tins wey go make una fear, go must happen.

1 John 3:13

So my brodas and sistas, make una nor sopraiz sey dis world pipol hate una.