Ekklesiastes 4:4 - Holy Bible Nigerian Pidgin English

⁴ Den I tink of all di work wey pipol dey do and I kon si sey, evritin wey dem dey do, na to know who betta pass. But all dis tins dey yuzles too, e just bi like wen pesin dey porshu breeze.

Ekklesiastes 4:4 ပူးပေါင်းရင်းမြစ်များ

Jenesis 26:14

E get many sheep and kattle and en savant many well-well, so Filistia pipol kon dey jealous am.

Jenesis 31:1

Jakob kon hear sey, Laban shidren dey sey, “Jakob don take evritin wey bi awa papa own and naw, e don get money well-well.”

Proverbs 27:4

Vexnashon bad and anga dey distroy tins, but who fit stand and bear jealousy?

Ekklesiastes 1:14

As I tink about evritin wey human being dey do for dis world, I kon sey: Evritin dey yuzles; e just bi like sey pesin dey porshu breeze.

Ekklesiastes 1:17

So I kon gri to find out wetin wisdom, madness and foolishness bi. But e klear sey, na breeze I just dey porshu,

Ekklesiastes 2:21

Some pipol work with wisdom; with wetin dem know and with dia skill; but dem go still die leave evritin for anoda pesin wey nor work at-all. Dis tins dey yuzles and nor dey good at-all.

Ekklesiastes 2:26

God dey give wisdom, knowledge and joy to pipol wey dey do wetin E wont. But if pesin wey dey sin get money and propaty well-well, God go take dem from am kon gi-am to pesin wey dey do wetin E wont. All dis tins dey yuzles too and dem bi like wen pesin dey porshu breeze.

Ekklesiastes 4:16

Even doh many pipol dey support am naw, anoda generashon go grow kon rijet am leta. So yu si, evritin dey yuzles and e just bi like wen pesin dey porshu breeze.

Ekklesiastes 6:11

Bikos di more pesin dey argue, di more en word nor dey mean anytin, so how dat one go take benefit anybody?

Ekklesiastes 6:9

So, make yu enjoy wetin yu get, instead of wetin yu wont and stop to dream of tins wey dey yuzles, like pesin wey dey porshu breeze.

Matiu 27:18

(Bikos Pilate know sey na jealousy make dem bring Jesus Christ kom meet am.)

Acts 7:9

Jakob shidren wey bi awa grand-grand papa dem, bikos dem dey jealous Josef dia broda, dem kon sell am as slave go Egypt, but God dey with am

James 4:5

Abi yu tink sey God nor mean wetin E tok wen E sey, “Di Spirit wey I put inside una dey jealous well-well?”

1 John 3:12

Nor bi like Kain wey bi devil pikin, wey kill en broda. And wetin make am kill-am? Na bikos God nor asept en ofrin as E asept Abel own.