Ekklesiastes 4:1 - Holy Bible Nigerian Pidgin English

¹ Den I tink of all di wiked tins wey dey happen for dis world. I si pipol wey dem dey opress, dey kry and nobody dey to help dem. Nobody dey to save dem from doz pawaful men wey dey opress dem.

Ekklesiastes 4:1 ပူးပေါင်းရင်းမြစ်များ

Job 16:4

If na yu dey face wetin I dey face so; true-true, I go tok di same tin wey yu dey tok. I go shake my head kon tok against yu.

Job 35:9

Bikos of di opreshon wey pipol dey sofa from strong pipol, dem dey kry for help.

Job 6:29

Yu don try well-well, stop to tink bad tins Nor kondemn mi again, bikos I dey rite.

Job 9:24

God don give dis eart to wiked pipol kon kover all di judge dem face. If nor bi en do am, den na who fit?

Psalms 12:5

So God ansa, “Bikos of di wiked tins wey dem don do to pipol wey nor get help and di pains wey poor pipol dey face, I go do sometin; I go fight for dem, bikos na so dem wont make I do since.”

Psalms 142:4

I dey look for di rite pesin wey go kom help mi, but nobody dey even tink go my side! Nobody to help mi; nobody even kare about wetin go happen to mi.

Psalms 142:5

Den I pray to Yu, my Oga God kon sey, “Na Yu dey guide mi. Na Yu bi evritin wey I really wont for dis life.

Psalms 42:3

I dey kry both day and nite and na tears bi di only food wey I dey chop and my enemies dey tell mi sey, “Where dat yor God dey sef?”

Psalms 42:9

I dey kry dey sey, “My God wey bi my rock, wetin make Yu forget mi? Wetin go make mi dey waka with pains bikos my enemies dey opress mi?”

Psalms 69:20

Dia curse dey pain and e dey make my heart kut; I dey look for who go tell mi sorry, but I nor si. I dey find who go konfort mi, but I still nor si anybody.

Psalms 69:21

Dem dey put poizin for my food kon give mi bad wine make I drink.

Psalms 80:5

Yu don make us dey chop sorrow like food kon drink tears wey full bucket.

Exodus 1:16

“Anytime wen una dey help di Hibru wimen wey won born, if una si sey di pikin na boy, make una kill-am, but if na girl, make una nor kill-am.”

Exodus 1:22

So Fero kommand en pipol, “Make una go kill any boy wey dem just born kon trow dem inside River Nile, but make una leave all di girls.”

Proverbs 19:7

Man wey nor get money, nor get value for en brodas hand, even en friends dey run from am. Aldo e dey beg dem, but dem nor dey ansa am.

Proverbs 28:3

Poor man wey dey opress oda poor pipol, bi like strong rain wey dey skata wetin pesin plant.

Proverbs 29:2

Make yu show mi good ruler and I go show yu happy pipol. Make yu show mi wiked ruler and I go show yu pipol wey dey komplain.

Ekklesiastes 3:16

I still si sey, for dis world, yu go si wikedness for where good judgement and rite pipol suppose dey.

Ekklesiastes 5:8

Nor sopraiz wen dem dey opress poor pipol or as bad judgement dey kover good judgement. Dis na bikos, di lowa ofisas must do wetin dia senior ofisas orda dem to do.

Ekklesiastes 7:7

True-true, opreshon fit turn wise man to fool, just as bribe dey korrupt di mind.

Ekklesiastes 8:9

All dis tins wey dey happen for dis world, I don tink about dem well-well kon si sey time dey for pesin to opress en neighbour as e like.

Isaya 5:7

Na Israel pipol bi God vineyard, why Judah pipol na di good vine wey E plant. E espect dem to do good, instead dem dey do bad and kill pipol. E bin dey wait to si weda dem go do wetin dey rite, instead pipol wey dem kill, dia blood dey kry go meet God.

Isaya 51:23

But I go gi-am to pipol wey dey opress una; doz wey dey make una liedan for street kon waka on-top una like sey una bi dirty.”

Isaya 59:7

Na only evil tins una dey plan to do. Una nor dey fear to kill innocent pipol. Anywhere wey una dey go, na only wahala una dey kause for der

Jeremaya 16:7

Nobody go karry food go give doz wey dey mourn or give dem wine drink, bikos dia mama or papa die.

Lamentashons 1:16

Bikos of dis tins; I kry well-well, but nobody dey to konfort or give mi hope. My shidren nor get future, bikos awa enemies don win us.

Lamentashons 1:17

Jerusalem dey beg for help, but nobody gri help am. God don tok against Jakob sey, “Doz nashons wey dey around yu, go bi yor enemies! Dem go ponish and trowey Jerusalem like dirty rag!”

Lamentashons 1:2

Jerusalem pipol dey kry well-well for nite. Doz wey love am nor dey again to konfort am and all en friends don lie for en head; dem don turn en enemy.

Lamentashons 1:9

E nor keep ensef klean or tink of wetin go happen to am. Naw, e dey inside gutta and nobody won bring am out. So e kry kon sey, “Oga God, make Yu si wetin dey happen to mi; my enemies don win mi.”

Amos 3:10

God sey, “Propaty wey dis pipol use wahala and wayo get, na-im dem pak full dia house and dem nor even dey tok trut or do wetin dey rite.”

Amos 3:9

Go tell di pipol wey dey stay for Egypt and Ashdod palis sey, “Make una gada round di hills for Samaria! Make una si di wahala wey dey happen for di town and di bad-bad tins wey dem dey do.”

Malakai 2:13

Dis na anoda tin wey una dey do: Una go kry until una tear go full God altar, bikos E nor asept di sakrifice wey una bring kon gi-am.

Malakai 3:18

Den my pipol go si di difren between good and bad and between doz wey dey serve mi and doz wey nor dey serve mi.”

Malakai 3:5

Oga God sey, “I go judge pipol wey dey do majik; doz wey dey sleep with who dem nor marry; pipol wey dey tok wetin dia eye nor si; oga dem wey nor dey pay dia workers; doz wey dey opress wimen wey dia husband don die, shidren wey nor get papa and mama again and strenjas. Dem dey do like dis, bikos dem nor dey fear mi.

Matiu 26:56

Dis one happen so dat wetin di profets rite for di book go bi true. Den all di disciples kon run leave am.

Deutronomi 28:33

Strenjas go kom chop di plants wey una sofa plant and dem go opress una still una die.

Deutronomi 28:48

una go-go serve una enemies wey God go send against una. Una go dey hongry; una nor go si wota drink or get klot to wear and una nor go get anytin at-all. God go put load like iron for una neck wey go press una well-well until e don distroy una.

James 5:4

Si, di money wey yu nor gri pay di workers wey dey work for yor farm, dey kry against yu and di pipol wey dey gada wetin yu plant, dia kry don rish God ear.

Judges 4:3

Sisera, get 900 iron war horse and e opress and rule Israel pipol with wikedness for twenty years, before Israel pipol kon kry give God make E help dem.