Ekklesiastes 3:17 - Holy Bible Nigerian Pidgin English

¹⁷ Den I tell mysef, “E nor go tey before God go judge evribody, bikos of evritin wey dem don do! Both good and bad pipol.”

Ekklesiastes 3:17 ပူးပေါင်းရင်းမြစ်များ

Jenesis 18:25

I know sey Yu nor go do dat kind tin. Yu nor go kill pipol wey dey good with di bad ones.”

Psalms 96:13

before God, bikos E dey kom! Yes, E dey kom judge di eart. E go judge di world well-well and E go judge evribody akordin to wetin dem do.

Psalms 98:9

before awa Oga God, bikos E dey kom judge di whole world. E go judge di whole world well kon judge evribody, with raitiousness.

Ekklesiastes 1:16

Den I tell mysef, “Na mi wise pass evry oda king wey don rule for Jerusalem before mi. Bikos I get wisdom and undastandin wey dem nor get.”

Ekklesiastes 11:9

Yong man, make yu happy as yu dey yong! Make yu enjoy evry minute for dis life and do evritin wey yu won do; but remember sey yu go tell God evritin wey yu dey do.

Ekklesiastes 12:14

For evritin wey wi dey do, make wi know sey God go judge us; even di ones wey wi do for sekret, weda dem dey good or bad.

Ekklesiastes 2:1

I tell mysef, “Make yu go enjoy yorsef, so dat yu go know wetin happiness bi” But I kon si sey, dat one too, dey yuzles.

Ekklesiastes 3:1

Evritin wey dey happen for dis world, dey happen for di rite time wey God wont make e happen.

Ekklesiastes 8:6

E get time and how to do tins; bikos di king ponishment dey strong well-well.

Daniel 11:40

“Wen di end don rish, Egypt king go attack am. Siria king go fight am with all en pawa; with shariot and many ship. E go attack and distroy many kountries like river wey flow enter land.

Daniel 12:4

“But Daniel, make yu klose and keep di book for sekret until dis world don end. Many pipol go waste dia strent dey waka up-and-down, bikos dem nor fit undastand wetin dey happen.”

Daniel 12:9

E ansa, “Daniel! Make yu dey go. Dis matter don finish and dem don keep am until di world go end.

Matiu 16:27

God Pikin and en angels go kom inside en Papa glory, den e go reward evribody akordin to dia work.

John 5:22

Di Papa nor dey judge anybody, but e don give en pikin pawa to judge evribody,

Acts 1:7

Jesus ansa dem, “Di time wey God plan nor koncern una,

Acts 17:31

bikos E don choose one day wey E go take judge di world with raitiousness thru di man wey E choose and show evribody wen E raiz am from deat.”

1 Korintians 4:5

So, make una nor judge anybody until Christ go kom back. E go espose evritin wey dey darkness and di tins wey dey inside pesin heart. Dat time, na God go praiz evribody akordin to wetin dem do.

2 Korintians 5:10

Bikos all of us must stand for Christ front and e go judge us akordin to di tins wey wi do wen wi dey dis eart; weda dem good or bad.

1 Tesalonians 5:1

Brodas and sistas, koncerning di time and sizin wen dis tins go happen, wi nor nid to rite anytin give una.

Revelashon 11:18

Di nashons dey vex, but di time wey yu go ponish dem, don rish. And na naw yu go judge doz wey don die kon reward yor savants; di profets; doz wey dey good and evribody wey dey fear yor name, both small and big. Dis na di time to distroy doz wey dey kause wahala for di eart.”

Revelashon 20:2

E seize di dragon, dat old snake wey bi Satan di devil and dem don tie am der for like 1,000 years.