Ekklesiastes 2:8 - Holy Bible Nigerian Pidgin English

⁸ Silva, golds and oda good tins wey I karry from oda kings and nashons, I still save dem for mysef. I hire good singas, both men and wimen and I get many fine-fine girl-friends. Yes! I get evritin wey suppose make man happy!

Ekklesiastes 2:8 ပူးပေါင်းရင်းမြစ်များ

2 Samuel 19:35

I don old rish eighty years and nor-tin dey make mi happy again, I nor dey taste or enjoy wetin I dey chop or drink and I nor dey hear pipol wen dem dey sing again. So if I follow yu go, na wahala I go just bi to yu.

1 Kings 10:10

Sheba kween give Solomon all di gifts wey e bring and dem heavy rish 120 pounds for gold, with plenty spices and jewels. Di spices wey e give Solomon, plenty pass di ones anybody don ever gi-am before.

1 Kings 10:14

Evry year, dem dey give Solomon gold wey heavy rish 666 pounds.

1 Kings 10:21

Na gold dem take make di cup wey Solomon take dey drink wota and all di spoons and plates wey dey di hall for Lebanon forest. Dem nor use silva, bikos silva nor get value for Solomon time.

1 Kings 11:3

Solomon marry 700 wife kon get 300 girl-friends and na dem make am turn en heart from God.

1 Kings 14:27

King Rehoboam make gold shield take replace dem kon put ofisas to guide di palis gate.

1 Kings 9:14

Before dis time, Hiram don give Solomon gold wey heavy rish 120 pounds.

1 Kings 9:28

Dem travel with ship from Ofir kon karry gold wey heavy rish 420 pounds go give King Solomon.

1 Kronikles 25:1

King David and di ofisas pick some of Asaf, Heman and Jedutun shidren to profesai as dem dey play instrument and cymbals. Dis na di men wey dem choose:

1 Kronikles 25:6

Na dia papa dey lead dem and dem dey sing for God Temple, dey play cymbal and oda instrument as dem dey serve for der. But na di king dey supavise Asaf, Jedutun and Heman.

2 Kronikles 9:11

Di king use di timbas take make steps for God Temple, en royal palis kon do instrument for doz wey dey play music. For Judah land, nobody don ever si anytin like dat until dat time.)

Ezra 2:65

Even doh dem nor kount di men and wimen savant, dem still bi 7,337 wey kom back. Di men and wimen muzicians na 200.

Ekklesiastes 1:2

Di tisha sey, “Evritin dey yuzles! Yes, evritin really dey yuzles!”

Daniel 3:15

So naw, if una don ready, wons una hear di trumpet, di horn, lyre, jita, harp and all di oda instrument sound, make una bow woship di image. If una nor gri, na wons I go trow una enter di fire. Abi una tink sey any god dey wey go save una?”

Daniel 3:5

Wen una hear trumpet sound wen dem dey play di horn, lyre, jita, zita, harp with di oda instrument and di song, evribody must bow kon woship di image wey di king use gold make.

Daniel 3:7

So, as dem hear music and all di oda instrument sound, di pipol kon bow woship di gold image wey Nebukadnezzar make.

Amos 6:5

Una dey sing difren songs and dey play harp, just as David bin dey do.