Ekklesiastes 2:10 - Holy Bible Nigerian Pidgin English

¹⁰ I dey get anytin wey I wont and I nor stop mysef from anytin wey go make mi happy. I dey proud for evritin wey I don work for and na all dis, bi my reward.

Ekklesiastes 2:10 ပူးပေါင်းရင်းမြစ်များ

Jenesis 3:6

Wen di woman si sey di fruit wey di tree dey produce fine well-well and e good to chop; and e go make pesin get sense well-well, e kon take some of di fruit chop. Di woman still give some to en husband wey dey with am and e kon chop too.

Jenesis 6:2

some among God sons kon si as woman fine rish. So dem kon dey marry dem as wife.

Job 31:1

“I don swear with my eye sey I nor go ever look wimen kon sey I won sleep with dem.

Psalms 119:37

Make Yu help mi take my eyes komot from tins wey nor mean anytin and give mi life thru yor word.

Psalms 128:2

Yu go enjoy wetin yu dey work for! Yes! Yu go dey happy and sikure.

Proverbs 23:5

bikos yor money fit finish wons like sey e get feada kon fly leave yu like eagle.

Ekklesiastes 11:9

Yong man, make yu happy as yu dey yong! Make yu enjoy evry minute for dis life and do evritin wey yu won do; but remember sey yu go tell God evritin wey yu dey do.

Ekklesiastes 2:1

I tell mysef, “Make yu go enjoy yorsef, so dat yu go know wetin happiness bi” But I kon si sey, dat one too, dey yuzles.

Ekklesiastes 2:22

So wetin pipol go gain for dis life afta all dia hard work and trobol?

Ekklesiastes 2:24

So I kon sey, nor-tin dey good dan for pesin to chop, drink and enjoy di work wey e dey do, bikos all dis enjoyment kom from God.

Ekklesiastes 3:22

So I si sey, di best tin to do as human being, na to enjoy wetin wi don work for. Dat na di rizin why wi dey here, bikos nobody go fit bring us kom enjoy life again afta wi don die.

Ekklesiastes 5:10

Pipol wey like money, even di one wey dem get, nor dey rish dem and doz wey like propaty, wetin dem get, nor dey rish dem too. Dis kind behaviour dey yuzles too.

Ekklesiastes 5:17

Wen e dey alive, na darkness e for dey chop and na pain and sickness full en body.

Ekklesiastes 5:18

I still don notis one tin, at least, dis one dey good: E good for pipol to chop, drink and enjoy dia work for di short time wey God give dem to live dia life, bikos na so God wont am.

Ekklesiastes 6:2

God dey give some pipol many propaty, honor and evritin wey dem wont, but E nor dey give dem di shance to enjoy dem. Dem go die, den anoda pesin go help dem enjoy dia propaty! Dis one dey yuzles and bad well-well.

Ekklesiastes 6:9

So, make yu enjoy wetin yu get, instead of wetin yu wont and stop to dream of tins wey dey yuzles, like pesin wey dey porshu breeze.

Ekklesiastes 8:15

So I sey make wi dey enjoy awasef, bikos di only good tin for dis world na to dey chop, drink and enjoy awa short life. Na so wi go take enjoy di happiness and hard work wey God give us to do for dis world.

Ekklesiastes 9:6

Evritin wey dem do wen dem still dey alive, weda dem love, hate or bin dey jealous pesin, all don die follow dem go. Dem nor get part for anytin wey dey happen for dis world again.

Ekklesiastes 9:9

So as far as wi dey live dis yuzles life wey God give us, make wi enjoy am with awa wife, bikos dat na awa reward for all di trobol wey wi dey face for dis world.

1 John 2:16

bikos evritin wey dey inside di world (tins wey human being body wont; tins wey dey hongry pesin to get and to dey karry body up), nor kom from di Papa, but na dis world dem from kom.

Judges 14:2

Wen e go house back, e kon tell en papa and mama, “I si one Filistia girl for Timnah wey I like, make una bring am for mi, bikos I won marry am.”