Ekklesiastes 12:3 - Holy Bible Nigerian Pidgin English

³ Remember am before doz wey dey guide yor house bigin shake with fear. Dat time, yor strong men go don dey weak. Make yu remember am naw, before yor tit go pul finish and yor eyes nor go fit si well again.

Ekklesiastes 12:3 ပူးပေါင်းရင်းမြစ်များ

Jenesis 27:1

Wen Isaak don old well-well and e nor dey si well again, e koll en senior pikin Esau kon tell am, “My pikin!” Esau ansa, “Papa, na mi bi dis!”

Jenesis 48:10

For dis time, Jakob nor dey si well again, bikos e don old well-well. So Josef take en sons near am well-well and en papa hold dem near en body kon kiss dem.

Psalms 102:23

E don take my strent, even doh I still dey alive! E don make my days for di world, short.

Psalms 35:14

I dey mourn for dem, just as I go do for my broda or friend. I dey bow with sorrow like sey I dey mourn for my mama.

Psalms 38:6

I nor fit stand strait again and wahala full my life. Evriday, I dey kry and mourn waka.

Zekaraya 8:4

Oga God wey get pawa sey, “Old men and wimen wey dey Jerusalem, go waka round di town with dia walkin stik and dem go sidan for di town centre again.

1 Samuel 3:2

One nite, Eli wey nor dey si well-well again dey sleep for en room