Ekklesiastes 11:8 - Holy Bible Nigerian Pidgin English

⁸ So if pesin get long life, make e dey happy as e dey live di life. But make e still know sey, di days wey darkness go dey, many well-well and evritin wey go still happen, dey yuzles.

Ekklesiastes 11:8 ပူးပေါင်းရင်းမြစ်များ

Job 10:21

I go soon go di land where Yu nor go fit si mi and I nor go kom back again.

Job 10:22

I go-go di dark place where dead pipol and konfushon dey. Place where lite nor dey-dey.”

Job 14:10

But if pesin die, na di end bi dat. Dem don die; so where dem dey naw?

Job 14:12

na so too pipol wey die nor go kom back again. Dem nor go fit si di sky for day time again, bikos dem don sleep go.

Job 15:23

Dem dey waka anyhow dey find food. Dem know sey di day wey God go distroy dem don near.

Job 18:18

Dem go porshu dem from where pipol stay kon still porshu dem from lite enter darkness.

Psalms 49:20

Pipol wey dey make mout about dia money, nor undastand anytin at-all; bikos dem go die, just as animal dey die too.

Ekklesiastes 11:2

But e betta if yu put am for many business, bikos yu nor know where wahala go from kom.

Ekklesiastes 2:15

So I tell mysef, “Na wetin go happen to fools, go still happen to mi! Both of us go still die! So wetin I kon gain with all dis wisdom wey I get?” So I kry kon tell mysef, “E nor get any good tin wey wisdom dey give!”

Ekklesiastes 2:17

So, I hate dis life, bikos evritin wey dey inside, dey give trobol. Evritin dey yuzles and e bi like wen pesin dey porshu breeze.

Ekklesiastes 2:19

And who go fit know weda di one wey go kom afta mi go dey wise or foolish? But dem go kontrol evritin wey I work for, for dis world! So, make una si as evritin dey yuzles!

Ekklesiastes 2:26

God dey give wisdom, knowledge and joy to pipol wey dey do wetin E wont. But if pesin wey dey sin get money and propaty well-well, God go take dem from am kon gi-am to pesin wey dey do wetin E wont. All dis tins dey yuzles too and dem bi like wen pesin dey porshu breeze.

Ekklesiastes 4:16

Even doh many pipol dey support am naw, anoda generashon go grow kon rijet am leta. So yu si, evritin dey yuzles and e just bi like wen pesin dey porshu breeze.

Ekklesiastes 4:8

E get one man wey dey stay alone, e nor get pikin or broda, but e dey work hard to get more propaty. But e ask ensef, “Na who I dey work for sef wey make mi nor dey fit enjoy mysef?” All dis tins dey yuzles well-well o-o!

Ekklesiastes 6:11

Bikos di more pesin dey argue, di more en word nor dey mean anytin, so how dat one go take benefit anybody?

Ekklesiastes 6:6

pass di man wey stay 2,000 years for dis world and e nor ever enjoy am. Afta all, di two of dem dey go di same place.

Ekklesiastes 7:14

Wen God give yu money, make yu tank God and enjoy am, but wen sofa kom, make yu know sey e still kom from God too, bikos nobody go fit tok how tumoro go bi.

Ekklesiastes 8:12

If pipol wey sin hundred times still get long life, den I know sey pipol wey dey fear God, na dia life go long pass.

Ekklesiastes 8:15

So I sey make wi dey enjoy awasef, bikos di only good tin for dis world na to dey chop, drink and enjoy awa short life. Na so wi go take enjoy di happiness and hard work wey God give us to do for dis world.

Ekklesiastes 9:7

So, make wi kontinue to chop with joy and drink with happiness for awa heart, bikos God don already asept awa work.

Jeremaya 13:16

Make una respet di Oga una God, before E go bring darkness wey go make una kick stone fall on-top mountins! Make una respet am, before E go turn una lite to darkness.

Joel 2:2

For dat day, darkness go kover di land and kloud go full evriwhere! Strong-strong sojas go kom and dem go bi like darkness wey spread kover di mountins. Dis kind tin neva happen before and sometin like dis nor go ever happen again.

Matiu 22:13

“Den di king tell en savants, ‘Make una tie en hand and leg trow am outside for darkness, where e go kry and grind en tit.’

John 12:35

Jesus ansa dem, “My lite nor go dey with una tey. Naw wen di lite dey, make una take am waka, so dat darkness nor go kover una. Bikos di pesin wey dey waka for darkness, nor dey si where e dey go.

Deutronomi 32:29

How I wish sey dem get sense and fit undastand dis tins or know wetin go happen to dem.

Jude 1:18

Dem sey, “For di time wen dis world won end, some pipol go dey laf una and di tins wey God hate wey dey hongry dem to do, naim go dey push dem.”