Ekklesiastes 1:3 - Holy Bible Nigerian Pidgin English

³ Wetin pipol dey gain from all di hard work wey dem dey do for dis world?

Ekklesiastes 1:3 ပူးပေါင်းရင်းမြစ်များ

Ekklesiastes 2:11

But as I sidan dey tink of evritin wey I don do, I si sey all of dem dey yuzles. Dem bi like wen pesin dey porshu breeze! E nor really get anytin wey pesin fit gain for dis world.

Ekklesiastes 2:18

I hate all di hard work wey I don do for dis world, bikos evritin wey I don sofa for, I go die leave dem for anoda pesin to enjoy.

Ekklesiastes 2:19

And who go fit know weda di one wey go kom afta mi go dey wise or foolish? But dem go kontrol evritin wey I work for, for dis world! So, make una si as evritin dey yuzles!

Ekklesiastes 2:22

So wetin pipol go gain for dis life afta all dia hard work and trobol?

Ekklesiastes 3:9

So, wetin pipol really dey gain for all di hard work wey dem do?

Ekklesiastes 4:3

But di ones wey dia own betta pass, na shidren wey dem neva born, bikos dem neva si all di wiked tins wey dey happen for dis world.

Ekklesiastes 4:7

I still notis anoda tin for life wey dey yuzles.

Ekklesiastes 5:16

Dis one too na anoda sirious problem. Just as pesin take kom, na so too e go take go back. And dia hard work na for nor-tin, e just bi like wen yu dey try to katch breeze.

Ekklesiastes 5:18

I still don notis one tin, at least, dis one dey good: E good for pipol to chop, drink and enjoy dia work for di short time wey God give dem to live dia life, bikos na so God wont am.

Ekklesiastes 6:12

Who know wetin good for pesin for dis yuzles and short life wey wi dey live? Life wey bi like shadow, how wi won take know wetin go happen for di world afta wi don die?

Ekklesiastes 7:11

Wisdom dey sweet well-well wen money dey, bikos both wisdom and money dey good well-well for dis life.

Ekklesiastes 9:13

Dis na anoda tin wey I don si about wisdom and I like am, bikos of di way tins dey happen for dis world.

Ekklesiastes 9:3

Dis na di bad part about evritin wey dey happen for dis world: na di same tin go happen to evribody. Plus dis sef, na wikedness full human being mind and na wetin dem like dem dey do, den one day, dem go die.

Ekklesiastes 9:6

Evritin wey dem do wen dem still dey alive, weda dem love, hate or bin dey jealous pesin, all don die follow dem go. Dem nor get part for anytin wey dey happen for dis world again.

Isaya 55:2

Why una dey spend una money for wetin nor go beleful una? Why una dey spend una money wen una know sey hongry go still kill una? Make una listin and do wetin I tok, den una go enjoy di best food.

Habakkuk 2:13

But make una dey sure about dis! Oga God wey dey kommand heaven sojas don tok: Evritin wey di nashons dey do nor mean anytin; all dia work go dey yuzles.

Habakkuk 2:18

Na wetin juju dey good for? Nor bi sometin wey pesin make with en hand? Na wish good e do wey go make who make am, trust am? Na god wey nor fit tok!

Matiu 16:26

Wetin pesin go gain, if di whole world bi en own, but e luz en soul? Or wetin pesin go fit give take pay for en soul?

John 6:27

Make una nor work for food wey nor dey last, but for food wey go give una life wey nor dey end and dat kind food, na only Man Pikin go fit give una, bikos na-im God send kom.”

1 Korintians 16:16

dey obey dis leaders and doz wey dey follow una do God work.