Efesians 6:9 - Holy Bible Nigerian Pidgin English

⁹ And una wey bi masta, make una dey trit una savant well. Make una nor make dem fear, bikos both yu and dem get di same masta for heaven and E nor dey favor pesin anyhow.

Efesians 6:9 ပူးပေါင်းရင်းမြစ်များ

Nehemaya 5:5

Wi bi Jew pipol too, awa shidren bi like dia own shidren. But wi sell awa shidren as slave give dem. Dem don sell some among awa dotas as slave. Wi nor get pawa or who go help us, bikos dem don take awa farms and vineyards from us.”

Job 34:19

E nor dey support rulers or rish pipol against poor pipol, bikos na-im kreate all of dem.

Psalms 140:12

But I know sey God go help di pipol wey dem dey opress kon judge well for poor pipol.

Ekklesiastes 5:8

Nor sopraiz wen dem dey opress poor pipol or as bad judgement dey kover good judgement. Dis na bikos, di lowa ofisas must do wetin dia senior ofisas orda dem to do.

Isaya 47:6

I bin dey vex for my pipol and na dat make mi allow yu attack dem; but yu nor sorry for dem at-all and yu even dey ponish di old pipol among dem.

Daniel 3:15

So naw, if una don ready, wons una hear di trumpet, di horn, lyre, jita, harp and all di oda instrument sound, make una bow woship di image. If una nor gri, na wons I go trow una enter di fire. Abi una tink sey any god dey wey go save una?”

Daniel 3:6

Anybody wey nor gri bow woship di gold image, dem go trow am inside hot fire.”

Levitikus 19:13

Make una nor opress or play una neighbour wayo. Make una nor make una worker wait until di next day, before una pay dem.

Malakai 3:5

Oga God sey, “I go judge pipol wey dey do majik; doz wey dey sleep with who dem nor marry; pipol wey dey tok wetin dia eye nor si; oga dem wey nor dey pay dia workers; doz wey dey opress wimen wey dia husband don die, shidren wey nor get papa and mama again and strenjas. Dem dey do like dis, bikos dem nor dey fear mi.

Matiu 22:10

So di savants go di strits kon gada all di pipol wey dem si, both bad and good, kom di marriage and di hall kon full.

Matiu 22:8

“Den e kon tell en savants. ‘Di marriage don start,’ di pipol wey I invite before, nor bi di pipol wey suppose kom.

Matiu 24:48

But if na wiked savant, e go tell ensef, ‘My oga nor go kwik kom back’,

Matiu 24:51

e go kut di savant to pieces kon trow am put for where pritendas dey, where e go dey kry and grind en tit.”

Matiu 7:12

Bikos of dis, make yu trit pipol as yu wont make dem trit yu, bikos na so dem rite am for di Profets and Moses Law.

Luke 6:31

Make una do for pipol as una wont make dem do for una.

John 13:13

Una dey koll mi ‘Tisha’ and ‘Oga God’, una korrect, bikos na so I bi.

Acts 10:34

Den Pita tell dem, “Naw, I don undastand sey God nor dey opress anybody,

Romans 2:11

bikos God go judge evribody di same way.

1 Korintians 1:2

To God holy pipol for di church wey dey Korint, wey bi en own bikos of Jesus Christ and pipol for evriwhere wey dey woship awa Oga God Jesus Christ as dia Oga God and Savior.

1 Korintians 7:22

Slave wey God choose make e follow Jesus, don bikom free man thru Jesus Christ. So free man wey God choose make e follow Jesus, don turn to Christ savant.

Deutronomi 10:17

Bikos di Oga una God na God of all gods and Oga of all ogas. Na en bi di great Oga God, di God wey dey do wonders, God wey nor dey do wayo and nobody fit bribe am.

Kolossians 3:25

Pesin wey do bad, God go pay am back for wetin e do, bikos God dey judge evribody akordin to wetin dem do, since E nor dey support anybody anyhow.

Kolossians 4:1

Una wey bi masta, make una trit una savants well and nor shit dem, bikos una know sey, unasef get masta for heaven.

James 2:13

Judgement nor get mesi for anybody wey nor dey mesi for odas, bikos mesi betta pass judgement.

James 2:8

But if una do wetin dem rite for God word, “Make yu love yor neighbour as yu love yorsef,” una don do good bi dat.

James 5:4

Si, di money wey yu nor gri pay di workers wey dey work for yor farm, dey kry against yu and di pipol wey dey gada wetin yu plant, dia kry don rish God ear.

1 Samuel 15:17

Samuel sey, “Even doh yu feel sey yu nor dey important, yu still bikom God pipol king. Na God choose yu as king ova en pipol.