Efesians 4:5 - Holy Bible Nigerian Pidgin English

⁵ na so too una get one Oga God, one faith, one baptizim,

Efesians 4:5 ပူးပေါင်းရင်းမြစ်များ

Zekaraya 14:9

Den God go bi king for all di eart; evribody go woship and know am as God.

Matiu 28:19

So make una go make pipol my disciples for di whole world, dey baptize dem with di Papa, di Pikin and di Holy Spirit name,

Acts 10:36

Una know di message wey E send to Israel pipol, wen E tok about di Good News wey dey give peace, thru Jesus Christ, di real Oga God.

Acts 2:36

So Israel pipol, make una know sey, God don turn dis Jesus Christ wey una kill, to bi Oga God and Mezaya.”

Romans 3:30

Since na only one God dey, E dey for Jew and Gentile pipol, bikos of dia faith.

1 Korintians 1:13

Una hear sey dem divide Christ? Na Paul dem hang kill for cross? Abi na Paul name dem take baptize una?

1 Korintians 1:2

To God holy pipol for di church wey dey Korint, wey bi en own bikos of Jesus Christ and pipol for evriwhere wey dey woship awa Oga God Jesus Christ as dia Oga God and Savior.

1 Korintians 12:13

Some pipol among us na Jew and odas na Gentile. Some na slave and odas dey free. But God Spirit baptize us kon make us part for Jesus Christ body. Naw, all of us dey drink from dat same Spirit.

1 Korintians 12:5

And wi get difren ways to serve God

1 Korintians 8:6

But wi (wey bi Christian), na only one God wi get and naim bi awa Papa. Na-im kreate evritin and wi dey live for am. Na Jesus Christ bi awa only Oga God. Na-im make evritin and na thru am wi get life.

2 Korintians 11:4

So, if anybody kon prish anoda Christ wey wi nor prish for una and una receive anoda spirit wey una nor receive before, or anoda gospel wey una neva hear before, dat mean sey, una don asept dem well.

Galatians 5:6

For Christ, e nor matter weda dem sekonsaiz pesin or not; di only tin wey matter, na faith wey dey work thru love.

Efesians 4:13

so dat wi go bi one for di tins wey wi bilive and wey go make us really know God Pikin. Den, wi go dey tink like Christ.

Filippians 2:11

and evry tongue go konfess sey, “Na Jesus Christ bi di Oga God.” Den all di glory go bi God own.

Filippians 3:8

Nor bi only doz ones, but naw, I dey look evritin as nor-tin, wen I kompare am with Christ, my Oga God wey I know and I trowey evritin, bikos of am. True-true, I dey look all doz tins as yeye, so dat I go fit gain Christ,

Titus 1:1

Na Paul, wey bi Jesus Christ apostle and God savant rite dis leta to help pipol wey God don choose, so dat dia faith go strong kon know di trut wey go help dem live di kind life wey God wont.

Titus 1:4

I dey rite to Titus, my own pikin for faith. Make grace and peace wey dey kom from God awa Papa and from awa Savior Jesus Christ, dey with yu.

Hibru 13:7

Make una remember una leaders wey tish una God word; make una tink about di kind life wey dem dey live, den make una follow dia faith.

Hibru 6:6

den e kon start to sin, dat pesin nor go fit turn from sin kom meet God, since e don kill God Pikin for di sekond time and disgrace am for publik.

James 2:18

If anybody sey, “I get faith and yu get work.” I go sey, “Make yu show mi yor faith wey nor get work and I go show yu my faith thru my work.”

1 Pita 3:21

Dis show how baptizim go save us, nor bi just to wosh dirty komot for pesin body, but na to show sey wi get good mind for God thru di way wey Jesus Christ take raiz-up

2 Pita 1:1

Na mi Pita wey bi Jesus Christ savant and apostle, rite dis leta to di pipol wey get di same faith wey wi get. God give una dis faith, bikos of en raitiousness wey kom thru awa Oga God and Savior, Jesus Christ.

Jude 1:20

My friends, make una dey build unasef up with faith wey holy well-well and dey pray with di Holy Spirit.

Jude 1:3

My friends, even doh e don dey hongry mi since to rite give una about di salvashon wey wi dey share togeda, naw e strong well-well for my mind to rite, so dat una mind go dey strong. So una go fit stand fight for wetin wi bilive; di tins wey God don give en pipol and nor-tin go fit shange am.