Efesians 4:31 - Holy Bible Nigerian Pidgin English

³¹ Una must stop to get bad belle; to dey vex; kworel and to dey tok bad-bad word.

Efesians 4:31 ပူးပေါင်းရင်းမြစ်များ

Jenesis 27:41

So Esau kon hate Jakob, bikos of en blessing wey en papa give en broda. Esau kon tell ensef sey, “Di time to mourn for my papa don near, den I go kill my broda Jakob!”

Jenesis 37:21

Wen Reuben hear wetin dem tok, e kon save Josef from dia hand wen e sey, “Make wi nor kill-am!”

Jenesis 37:4

Wen Josef brodas si sey dia papa like am pass dem, dem kon hate Josef and dey tok to am anyhow.

Jenesis 4:8

Kain kon tell en broda Abel sey, “Make wi go di field.” As dem dey di field, Kain rush en broda Abel kon kill-am.

2 Samuel 13:22

But Absalom nor tell Amnon anytin, weda na good or bad, but e kon hate Amnon bikos of wetin e do to en sista Tamar.

2 Samuel 19:27

E tell di king lie about mi, but yu bi like God angel, so make yu do wetin dey good for mi.

2 Samuel 19:43

Israel pipol ansa, “Even doh David bi one of una, wi get am ten times, pass as una get am. Why una dey look us like sey wi bi small pikin or sey wi nor mean anytin? Make una nor forget sey, Na wi first sey make dem bring di king kom back!” But wetin Judah men dey tok, strong pass di mout wey Israel men dey make.

Psalms 101:5

I go distroy anybody wey dey plan bad for en neighbour and I nor go sorry for who dey deceive pipol or doz wey get pride.

Psalms 140:11

Make Yu nor allow pipol wey dey lie, prosper for dis land. Make Yu kause betta wahala for doz wey like trobol.

Psalms 15:3

Doz wey nor dey judge odas, wound dia neighbours or tok bad about dia friends.

Psalms 37:8

Make yu nor dey vex, bikos na trobol, vexnashon dey bring.

Psalms 50:20

Una go just sidan dey tok bad about una broda; di pikin wey una own mama born.

Psalms 64:3

Dem don sharp dia tongue like swod kon ready to shot dia betta words wey bi like arrows.

Proverbs 10:12

Na only trobol bad belle dey kause, but love dey kover evry sin.

Proverbs 10:18

Anybody wey pritend sey e like pesin, dey lie and anybody wey dey lie waka, na fool.

Proverbs 14:17

Pipol wey dey vex anyhow dey do foolish tins and pipol hate doz wey dey deceive odas.

Proverbs 18:8

To do aproko, dey good well-well for mout wen yu dey tok am, bikos e dey sweet for body.

Proverbs 19:12

Wen king vex, e bi like lion wey dey shaut, but if e favor yu, e bi like rain wey dey fall.

Proverbs 25:23

Just as heavy breeze from nort dey bring rain, na so too aproko dey make pesin vex well-well.

Proverbs 26:20

Fire nor dey katch without wood; so without aproko, kworel nor go dey.

Proverbs 29:22

Pesin wey get hot tempa dey kause kworel and pesin wey dey kwik vex, dey sin well-well.

Proverbs 29:9

Wen wise pesin take foolish pesin go kourt, di foolish pesin go only dey shaut and tok anyhow, but e nor go dey happy.

Proverbs 6:19

doz wey dey lie for anoda pesin head and pipol wey dey kause trobol among dia friends.”

Ekklesiastes 7:9

Always dey kontrol yor tempa, bikos vexnashon go turn yu to fool.

Jeremaya 6:28

I ansa, “Dem bi sturbon and wiked pipol; dia heart strong like bronze and iron. Dem dey lie waka and na so-so bad-bad tins dem dey do.”

Jeremaya 9:4

Make evribody dey kareful of en friends and make yu nor trust yor broda, bikos even broda dey shit en broda. And friends dey lie against each oda well-well.

Acts 21:30

Di whole town start to shake and all di pipol kon gada. Dem seize Paul, drag am komot from di temple kon klose di door.

Romans 3:14

Bad belle dey dia mind and na so-so swear dem dey swear.

1 Korintians 14:20

My brodas and sistas, make una stop to tink like small shidren. Instead make una dey tink like mature pipol and dey innocent like pikin wey dem just born.

1 Korintians 5:8

So wen wi dey celebrate Passova, make wi nor do am with di old yist wey bi wikedness and bad belle, but make wi do am with di fresh bread wey nor get yist, wey bi trut and betta mind.

2 Korintians 12:20

Bikos I dey fear sey wen I kom, I nor go like wetin I go si and una nor go like as I go tok. I dey fear sey una go dey kworel, dey jealous each oda; dey vex; dey tink of only unasef; dey tok bad about each oda; dey do aproko; dey karry body up and dey bihave anyhow.

Galatians 5:20

to dey serve juju; dey do majik; kworel-kworel life; fighty-fighty; jealousy; anyhow vexnashon; long-trot; tins wey dey skata pipol;

Efesians 4:22

Koncerning di kind life wey una dey live before, wi sey make una trowey dat bad spirit wey dey make una do bad-bad tins

Efesians 4:25

Since una don stop to lie, make una start to tok trut give una neighbour, bikos all of us na membas for Christ body.

Efesians 4:26

If una dey vex, make una nor sin and make day nor dark still meet una dey vex.

Kolossians 3:19

Una wey bi husband, make una love una wife and nor dey wiked to dem.

Kolossians 3:8

but naw, to dey vex anyhow; to get bad mind for pesin; to take mout spoil pesin and to dey curse pipol, make una remove dem from una life.

1 Timoti 3:11

Like dis too, dia wifes must get good karata, nor bi wifes wey dey lie or gossip, but dem must fit dey kontrol diasef and dey honest for evritin.

1 Timoti 3:3

Make e nor bi drunkard or pesin wey like to fight; but e must dey gentol. Make e nor bi pesin wey like to kworel or love money.

1 Timoti 5:13

For di same time, dem go dey lazy, dey waka from house to house, dey do aproko and tok anyhow.

2 Timoti 2:23

I dey tell yu again sey, make yu nor put mout for yeye word, bikos yu know sey dis kind tin dey kause kworel.

2 Timoti 3:3

Dem nor get love or forgivenes; dem go dey gossip odas and nor fit kontrol diasef. Dem go dey wiked and hate wetin good.

Titus 1:7

Make pesin wey bi leader nor get fault, bikos na God work e dey do. Make e nor dey karry body up; dey kwik vex or drink anyhow; dey like to beat pipol or love money.

Titus 2:3

Make yu tish old wimen sey, make dem live life wey go make God happy. Make dem nor tok bad about pipol; nor dey drink anyhow, instead make dem tish oda wimen wetin dey good.

James 1:19

My brodas and sistas, make una undastand dis tins: Make una dey listin well-well and nor dey kwik tok or vex.

James 3:14

But if jealousy and sefishnes dey en mind, make e nor boast and lie against di trut.

James 4:11

My brodas and sistas, make una nor tok bad about each oda. Anybody wey tok bad or judge en broda or sista for Christ, e dey tok bad about di law and e dey judge di law. But if una judge di law, den una nor dey obey di law, but una don bikom di law judge bi dat.

1 Pita 2:1

Make una stop to do bad tin; dey deceive pipol, pritend; dey jealous and tok bad about pipol.

1 John 3:12

Nor bi like Kain wey bi devil pikin, wey kill en broda. And wetin make am kill-am? Na bikos God nor asept en ofrin as E asept Abel own.

1 John 3:15

Pesin wey hate en broda or sista for Christ, fit kill pesin and di life wey nor go end, nor dey inside am.

Revelashon 12:10

Den I hear one loud vois for heaven dey sey, “Salvashon; pawa; authority wey Christ get and God kingdom, don kom at last. Bikos di pesin wey dey akuiz awa brodas and sistas evriday, God don trow am kom down.