Efesians 4:2 - Holy Bible Nigerian Pidgin English

² Make una dey get pity for one anoda with kwayetnes, gentolness and patient, bikos of di love wey una get.

Efesians 4:2 ပူးပေါင်းရင်းမြစ်များ

Psalms 138:6

Even doh God dey great, E dey kare for di pipol wey dey honbol demsef, but doz wey dey karry body up, e dey give dem shance.

Psalms 45:4

Make yu appear with yor majesty kon ride go defend wetin dey rite, true and good. Dat time, Yu go win yor enemies with yor strong rite hand.

Proverbs 16:19

E betta make yu dey honbol and poor, dan to join pipol wey dey karry body up kon follow dem share di propaty wey dem tif.

Proverbs 3:34

God nor get wetin E won do with proud pipol, but E dey favor pipol wey dey honbol.

Ekklesiastes 7:8

To finish anytin wey yu start, betta pass wen yu start am, just as to dey patient betta pass to dey proud.

Isaya 57:15

Na mi bi di high and holy God, di Pesin wey go live forever. Where I dey stay, dey high and holy, but I still dey stay with pipol wey dey honbol and ready to turn from sin kom meet mi, so dat I go give dem mind and hope again.

Zefanaya 2:3

Una wey dey honbol, make una ask make God bless and help una to follow en kommand. Make una do wetin dey rite and live betta life. May bi God go protet and save una from en vexnashon, wen E won distroy di world.

Zekaraya 9:9

Zion pipol! Make una happy well-well! Jerusalem pipol! Make una shaut with joy! Make una look, una king dey kom meet una! E dey raitious and naim get viktory. E dey honbol and kwayet as E sidan on-top donkey dey kom.

Nombas 12:3

(Naw, na Moses honbol pass anybody wey dey di eart.)

Matiu 11:29

Make una follow mi and learn from mi, bikos I gentol, I nor dey karry body up and I go give una peace for una mind.

Mark 9:19

Jesus kon ask en disciples, “Una wey nor bilive! How long I go stay with una? How long I go dey bear with una? Make una bring di boy kom meet mi.”

Acts 20:19

how I nor dey karry body up as I dey serve Jesus with pain and wahala wey I dey face, bikos of di wiked plan wey Jew pipol get for mi.

Romans 15:1

If awa faith dey strong, den make wi dey patient with doz wey get weak faith. Make wi try to make dem happy, instead of awasef.

1 Korintians 13:7

Love dey bear evritin and e get faith, hope and patient.

Galatians 6:2

Make una help karry each oda load and if una do like dis, una dey obey Christ.

Efesians 1:4

Before God kreate di world, E choose us thru Christ bikos E love us, so dat for en front, wi nor go get any fault and wi go dey holy.

Kolossians 1:11

Wi still dey pray sey una go dey strong with God pawa wey get glory. Una go show sey una dey patient and get strong mind for God work with happiness.

1 Timoti 6:11

But yu wey dey serve God, make yu nor put hand for all dat kind tin. Instead, make yu dey struggol to do wetin dey rite and good; dey keep yor promise; dey love; get patient and dey gentol.

2 Timoti 2:25

E must dey gentol as e dey korrect pipol wey dey oppoz en prishin and God fit let dis pipol turn from sin kom meet am, so dat dem go know di trut.

James 1:21

So make una remove una hand from evry dirty and wiked tins kon put una body down to asept God word wey dem don plant inside una, bikos e get pawa to save una soul.

1 Pita 3:15

For una heart, make una make Christ una Oga God and make una ready to ansa anybody wey ask una about di hope wey una get.

1 Pita 3:8

So, make una live for peace togeda, dey sorry for each oda; love one anoda and nor dey karry body up.