Efesians 2:8 - Holy Bible Nigerian Pidgin English

⁸ God save una with en grace, bikos una get faith (as una don bilive Christ), nor bi with una own pawa, but na God give una.

Efesians 2:8 ပူးပေါင်းရင်းမြစ်များ

Matiu 16:17

Den Jesus tell am, “God go bless yu, Simon, Jonah pikin, bikos na my Papa for heaven show yu dis tin, nor bi human being.

Matiu 20:9

“Pipol wey dem hire for five oklok, kollect full day salari.

Mark 16:16

Anybody wey bilive and dem baptize am, God go save am, but anybody wey nor bilive, God go kondemn am.

Luke 7:50

So, Jesus tell di woman, “Yor faith don save yu; make peace follow yu go.”

John 3:36

Pesin wey bilive di only pikin wey God get, go get life wey nor dey end. But pesin wey nor bilive Man Pikin, nor go get life at-all. God go always dey vex with dat kind pesin.”

John 4:10

Jesus ansa am, “If yu know wetin God gift bi and di pesin wey dey ask yu for wota so, yu for ask am and e go give yu di wota wey dey make pesin live forever.”

John 5:24

“I tell una true word, di pesin wey take wetin I tok and bilive sey na di Papa send mi, go get life wey nor dey end and e nor go enter hell-fire, but e go get life wey nor dey end.

John 6:35

Jesus kon tell dem, “Na mi bi di bread wey dey give life. Pesin wey kom meet mi nor go hongry lie-lie and di pesin wey bilive mi, nor go hongry for wota again.

John 6:37

Anybody wey my Papa give mi, go kom meet mi and wen e kom, I nor go ever drive am.

John 6:40

Wetin my Papa wont bi sey, anybody wey bilive en pikin, go get life wey nor dey end and I go wake am up for di last day.”

John 6:44

Nobody go fit kom meet mi with en own pawa, unless my Papa wey send mi draw am kom meet mi and I go take am go up for di last day.

John 6:65

So Jesus kon sey, “Na bikos of dis I tell una sey, nobody go fit kom meet mi with en own pawa, unless my Papa let am kom.”

Acts 13:39

True am, evribody wey bilive, go dey free from evritin wey Moses Law nor fit free dem from.

Acts 14:27

Wen dem rish Antiok, dem gada di pipol kon tell dem all di tins wey God use dem do and how E open road for Gentile pipol to bilive.

Acts 15:11

Wi bilive sey God save us thru grace wey kom from Jesus Christ, just as E do for dis Gentile pipol too.”

Acts 16:14

E get one woman wey dey listin to us, en name na Lydia and e kom from Tiatira. E dey fear God well-well and dey sell purpol klot. God open en heart to bilive evritin wey Paul tok.

Acts 16:31

Dem ansa am, “Bilive Jesus Christ and yu go save, both yu and all yor family.”

Romans 10:14

How dem won take koll God make E help dem, wen dem nor bilive am? And how dem go fit bilive, wen dem neva hear about am? How dem go take hear about am, if nobody prish to dem?

Romans 10:17

So, nobody go fit get faith wen e neva hear di message and na thru Christ word, wi go fit hear am.

Romans 4:16

Na dis one make God promise dey kom by faith and wi dey get am thru favor. Nor bi only pipol wey dey obey di law bi Abraham shidren, but pipol wey bilive God like Abraham, naim en shidren dem bi too, bikos na Abraham bi awa spiritual papa.

Romans 4:5

Doz wey nor depend on wetin dem dey do, but dem get faith and bilive sey God dey forgive sinnas, na dis faith God dey use take forgive dem dia sins.

Romans 9:16

Derfor, evritin dey for God hand, nor bi by wetin pipol won do.

Galatians 3:14

so thru Christ, Abraham blessings go kom meet Gentile pipol and wi go receive di Spirit wey God promise us, thru faith.

Galatians 3:22

But God word kondemn evritin and evribody under sin, so dat wi; di pipol wey bilive, go get God promise thru Jesus Christ.

Efesians 1:19

Una don si how en pawa big rish, bikos una bilive am. Dis na di pawa wey dey do big-big tins for us.

Efesians 2:10

God kreate us thru Jesus Christ as di good work wey E don prepare down before, so dat wi go dey do as E plan.

Efesians 2:5

(aldo sin dey kontrol awa life before), E kon give us life thru Christ, den E save us with en grace!

Filippians 1:29

God don give una dis sign, nor bi only make una for bilive Christ, but make una for still sofa for am,

Kolossians 2:12

Bikos wen dem baptize una, dem beri una with am and una follow am raiz-up thru di faith wey God pawa dey give and na dis God raiz am up.

2 Tesalonians 1:9

God go distroy dem and dia ponishment nor go ever end. Wen Christ go kom receive glory from di pipol wey e choose,

Hibru 6:4

Wen pesin don first know di trut; taste God gift from heaven; know di Holy Spirit;

1 Pita 1:5

and en pawa dey protet am thru faith and wi dey wait for di salvashon wey go kom for di time wen di world go end.