Deutronomi 9:9 - Holy Bible Nigerian Pidgin English

⁹ Dis tin happen wen I go di mountin go kollect di ten kommandment wey God make for una. I dey der for forty days and forty nite and I nor chop or drink anytin.

Deutronomi 9:9 ပူးပေါင်းရင်းမြစ်များ

1 Kings 19:8

Elijah get up kon chop and drink wota again, den di food gi-am pawa to take waka for forty days go di holy mountin for Sinai.

2 Kings 6:22

Elisha ansa, “Nor kill dem! Yu nor katch dem with yor swod or arrow, so who give yu di pawa to kill dem? Make yu give dem food chop and wota drink, den make dem go back go meet dia oga.”

Exodus 24:12

Den God tell Moses, “Make yu klimb di mountin and I go give yu di law and kommand wey I rite for small flat stone, so dat yu go fit tish di pipol.”

Exodus 24:15

Moses klimb go di mountin wey di kloud kover.

Exodus 24:18

Moses enter inside di kloud wen e klimb di mountin and e stay der for forty days and forty nites.

Exodus 31:18

Wen God don tok to Moses finish for Mount Sinai, E kon gi-am two stones wey E rite di kommandment put.

Exodus 32:1

Wen di pipol si sey Moses nor dey kom down from di mountin, dem gada round Aaron kon tell am, “Make yu make one god for us wey go lead us, bikos wi nor know wetin don happen to Moses wey take us komot from Egypt!”

Exodus 34:28

So Moses dey der with Oga God for forty days and forty nites; Moses nor chop bread or drink wota. E rite di kovenant word for di two stones and na dem bi di ten kommandment.

Matiu 4:2

Afta Jesus don fast for forty days and forty nites, e kon dey hongry.

Galatians 4:24

Betta sense dey for dis story, bikos dis two wimen bi like two kovenant. One na from Mount Sinai wey bi like di shidren wey Hagar, di slave woman, born.

Deutronomi 8:3

True-true! E make una dey honbol thru honga kon dey give una food wey una nor know (manna) make una chop. E do dis to tish una sey human being nor nid only food, but dem still dey alive bikos of wetin God tok.

Deutronomi 9:11

Wen di forty days don finish, God give mi di two stones wey E rite di kovenant put.

Deutronomi 9:15

So I turn komot di mountin as di fire still dey burn and di two kovenant stones dey my hand.

Deutronomi 9:18

Den I go stay for God present for anoda forty days and forty nite; I nor chop or drink anytin bikos of all di sins wey una don kommit wen una dey do wiked tins wey go make God vex well-well.

Hibru 9:4

Di gold altar where dem dey burn incense and di Kovenant Box wey dem kover with gold, dey der too. Di gold jug wey dem put manna, Aaron rod wey grow leaf and di flat stone wey dem rite di law put, dey inside dis box.