Deutronomi 9:26 - Holy Bible Nigerian Pidgin English

²⁶ I pray to am, “My Oga God, make Yu nor distroy yor pipol wey bi yor betta propaty; pipol wey Yu save with yor own pawa kon take dem komot from Egypt with yor strent.

Deutronomi 9:26 ပူးပေါင်းရင်းမြစ်များ

2 Samuel 7:23

No kountry for dis world bi like Israel wey Yu komot from slave kon make dem yor pipol. Di big tins wey Yu do for dem, make pipol know yor name for di whole world. Yu save yor pipol from Egypt, plus di juju and gods wey dey der.

1 Kings 8:51

Dem bi yor pipol wey Yu karry komot Egypt; place wey bi like sey na fire dey burn dem.

1 Kings 8:53

From all di pipol, Yu choose Israel pipol to bi yor own, bikos na so Yu tell dem thru Moses yor savant, wen Yu bring dem kom out from Egypt.”

Nehemaya 1:10

My God, dis pipol na yor savants and pipol. Na Yu save dem with yor great pawa.

Psalms 106:23

So God kon sey E go distroy dem. But Moses, wey E choose kon stand between God and di pipol. E beg make God nor vex distroy dem.

Psalms 107:2

Make pipol wey God don save, tok about am. Make dem tell odas sey E don save dem from dia enemies.

Psalms 28:9

So God, make Yu save yor pipol! Make Yu bless Israel pipol wey bi yor special propaty. Make Yu guide dem like shepad kon karry dem for yor hand forever.

Psalms 57:1

My God, make Yu sorry for mi. Abeg, sorry for mi, bikos na Yu dey protet mi. I go hide under yor shadow until I don free from all dis wahala.

Psalms 77:15

With yor hand, Yu save yor pipol wey bi Jakob and Josef shidren-shidren.

Psalms 78:35

Den dem remember sey na God bi dia rock; sey na di Most High God save dem.

Psalms 99:6

Moses and Aaron dey among en priests; Samuel na one among di pipol wey pray to am. Dem pray to God and E ansa dem.

Exodus 15:13

With yor true love, Yu go lead di pipol wey Yu save and with yor pawa, Yu go show dem di way to yor holy land.

Exodus 33:13

Naw, if really sey I dey good for yor eye, make Yu show mi yor way; so dat I go know Yu more-more kon kontinue to dey good for yor eye. Den I go si sey dis pipol, na yor pipol.”

Exodus 34:9

kon sey, “My Oga God, if I really dey good for yor eye, make Yu go with us, bikos wi bi sturbon pipol; make Yu forgive us awa evil and sin kon take us as yor pipol.”

Isaya 44:23

Heavens, make una shaut dey happy! All di deep part for dis eart, make una shaut well-well! Make mountins and evry tree for di forest, shaut too, bikos God protet Israel pipol kon show how E great rish.

Isaya 63:19

Wi bi yor own from biginnin; but Yu neva rule dem before and nobody don ever koll dem with yor name.

Jeremaya 14:21

Make Yu remember yor promise and nor hate us. Nor disgrace Jerusalem, di place wey yor throne wey get glory, dey. Abeg, make Yu nor break di kovenant wey Yu make with us.

Jeremaya 15:1

Den God tell mi, “Even if Moses and Samuel stand here dey beg for dis pipol, I nor go listin or sorry for dem. So make yu take dem komot for my front kon tell dem make dem dey go!

Lamentashons 2:20

Si, Oga God! Why Yu dey ponish us like dis? Make wimen chop dia shidren wey dem love? Or make dem kill priests and profets for inside God temple, bikos of sofa?

Mikah 6:4

Na mi bring and save una from Egypt where una for bi slave. I send Moses, Aaron and Miriam kom help una.

Deutronomi 13:5

But for di profet and doz wey dey si wetin go happen, make una kill dem, bikos dem won make pipol sin against di Oga una God wey take una komot from Egypt where una for bi slave. Una must kill dem, bikos dem dey try to deceive una komot from di way wey God wont make una follow. So like dis, una must skata and distroy evry bad tin or pipol wey dey among una.

Deutronomi 15:15

Make una remember sey una bi slave for Egypt until di Oga una God kon save una! Na dis make mi dey give una dis kommand.

Deutronomi 21:8

So God go forgive en pipol Israel wey E save and E nor go ponish dem sey na dem kill pesin wey nor do anytin.” Den di sin nor go dey dia head at-all.

Deutronomi 32:9

Na God get di pipol for Israel; na Jakob bi en special propaty.

Deutronomi 7:8

But na bikos God love una and dey keep di promise wey E make with una grand-grand papa. Na dis make God save una with en strong hand wen una dey serve as slave for King Fero hand for Egypt.

Deutronomi 9:12

Den God sey, “Make yu get up! Just dey go at wons, bikos di pipol wey yu bring out from Egypt don dey sin. Dem kwik-kwik forget kon komot from di way wey I sey make dem dey live dia life! Dem don melt gold take make juju for demsef!”

Deutronomi 9:27

Make Yu remember yor savant, Abraham, Isaak and Jakob; den nor look as dis pipol sturbon, wiked and di sins wey dem dey kommit.

Deutronomi 9:29

Dem bi yor pipol, yor betta propaty wey Yu take komot Egypt with yor great strent and pawa.”

Titus 2:14

E die for us, so dat e go free and klean us from wikedness kon turn us to en own pipol wey like to do good tins.

Hibru 9:12

Na wons Jesus enter di place wey holy pass. E nor enter with goat or ram blood, but na with en own blood, so e don save us forever and ever.

Revelashon 5:9

Dem kon dey sing new song sey: “Yu holy rish to take di book kon open di keys, bikos dem kill yu and na yor blood save all God pipol from evry tribe, language, group and kountry.

1 Samuel 7:9

So Samuel take one small sheep kon offa am as one full ofrin to God. Samuel pray to God for Israel pipol and God kon ansa am.