Deutronomi 8:2 - Holy Bible Nigerian Pidgin English

² Make una remember how di Oga una God guide una pass di wildaness for dis forty years, so dat E go fit honbol and test una to si if una go fit keep en kommand or not.

Deutronomi 8:2 ပူးပေါင်းရင်းမြစ်များ

Jenesis 22:1

So afta sometaim, God kon test Abraham. God koll am, “Abraham!” Abraham ansa, “Na mi bi dis!”

2 Kronikles 32:31

Wen Babilon ofisas send pipol go find out about di sign wey happen for di land, God kon leave di king alone, so dat E go fit test am, make E for know wetin dey en mind.

2 Kronikles 33:12

As dem dey sofa am, Manasseh kon turn go meet God wey bi en grand-grand papa God sey make E kon help am.

2 Kronikles 33:19

Wetin dem rite for di profets book still get: en prayers and how God take ansa am; all en sins and di bad tins wey e do; where e build high place with Asherah juju before e turn to Oga God.

Nehemaya 9:19

Yet Yu nor still leave dem for inside desert, bikos yor mesi, dey great. Yu nor remove di kloud and fire wey dey show dem lite, both for day and nite.

Job 33:17

God dey tok so dat dem go stop to sin kon honbol demsef, make E for fit save dem.

Psalms 103:2

My soul, make Yu praiz God! Make Yu nor forget all di good tins wey E don do!

Psalms 106:7

Awa grand-grand papa dem nor tank Yu for all wetin Yu do for dem for Egypt. Dem kwik forget all di good-good tins wey God do for dem. True-true, dem go against God kommand, afta dem cross di Red Sea.

Psalms 136:16

Na God lead en pipol pass di wildaness, bikos en love wey nor dey fail dey forever.

Psalms 77:11

But my Oga God, I remember evritin wey Yu don do. I remember all di wonderful tins wey Yu do before.

Psalms 81:7

Una kry to mi for help wen una dey trobol and I save una; I ansa with strong tonda kon test una faith wen wota nor dey to drink for Meribah.

Exodus 15:25

Moses kry to God and God kon show am one stik. Wen e trow am inside di wota, di wota kon dey good to drink. So for der, God give dem laws kon try dia faith.

Exodus 16:35

So Israel pipol chop manna for forty years until dem rish Kanaan land.

Exodus 16:4

Den Oga God tell Moses, “I go give una bread from heaven and di pipol go dey gada di ones wey go rish dem chop evriday, so dat I go fit test and know if dem go follow my kommandment.

Exodus 20:20

Moses tell di pipol, “Make una nor fear, God just kom test una, so dat una go fear and always dey obey en kommand.”

Proverbs 17:3

Na fire dem take dey test gold and silva, but na God dey test pesin heart.

Isaya 2:17

For dat day, God go distroy doz wey dey karry body up kon disgrace sturbon pipol and na only en name pipol go dey praiz.

Jeremaya 2:6

Dem nor even ask sey, ‘Where God wey take us komot from Egypt? Di Pesin wey take us pass wildaness and desert, land wey nor good and dey dry, where pipol nor dey stay or travel pass.’

Ezekiel 20:19

Na mi bi una Oga and God, so make una obey my laws and kommand.

Amos 2:10

Na mi still bring una kom out from Egypt; lead una pass desert for forty years, den give una Amor pipol land.

Nombas 14:33

Una go waka anyhow for di wildaness for forty years kon sofa until di last pesin among una go die, bikos una nor good at-all.

Luke 18:14

“I tell una true word, na di tax kollector God go forgive, nor bi di Farisee. Bikos anybody wey karry ensef go up, God go bring am down, but di pesin wey put ensef down, God go karry am up.”

John 2:25

E nor nid anybody to tok about am, bikos e know wetin dey inside pipol belle, so e nor fit trust dem.

Deutronomi 1:3

Forty years afta Israel pipol don komot Egypt, for di first day for di elevent mont, Moses kon tell Israel pipol evritin wey God kommand am.

Deutronomi 1:33

di Pesin wey dey always go find betta place for una, even before una rish der. E dey appear to una thru fire for nite and inside kloud for day time, so dat E go show una di way wey una go-go.

Deutronomi 13:3

Doz profets wey dey si wetin go happen, make una nor listin to dem, bikos di Oga una God go dey test una, to know weda una love am with all una mind and heart.

Deutronomi 2:7

“ ‘Di Oga wey bi una God don bless una for evritin wey una dey do. Evry step wey una take for di great wildaness, I dey with una. For dis forty years wey una dey dis wildaness, God dey with una and una get evritin.’ ”

Deutronomi 29:5

I karry una thru di wildaness for forty years, but una klot or sandal nor tear.

Deutronomi 32:7

Make una remember as e bi before, make una tink about di generashon wey don pass. Make una ask una papa and una eldas and dem go tell una evritin.

Deutronomi 7:18

Make una nor fear. Make una remember wetin di Oga una God do to Fero and Egypt pipol;

Deutronomi 8:16

feed una for di wildaness with manna (food wey una grand-grand papa nor ever know), so dat E go honbol and test una, den make una betta pipol.

James 1:3

bikos una know sey, if una win di temptashon, una patient go strong.

James 4:10

If una put una body down for God, E go karry una go up.

James 4:6

But E give us plenty grace. Na dis make God word sey, “God dey against pesin wey dey karry body up, but E dey give grace to pipol wey dey put dia body down.”

1 Pita 1:7

Dis kind sofa go show sey una faith na really one. Gold wey go spoil one day, dem still dey test am for fire, tok-less of una faith wey get value pass gold and e go bring praiz, glory and honor wen Jesus Christ go kom.

Revelashon 2:23

I go kill all en shidren, den all di church pipol go know sey, I know wetin dey for pipol mind and heart. I go reward evribody akordin to wetin e do.

Judges 2:22

I go use am take test dem weda dem go follow mi, just as dia grand-grand papa do.”

Judges 3:4

God leave dis pipol to take test Israel pipol, weda dem go obey di kommand wey E give dem thru Moses, dia grand-grand papa.