Deutronomi 8:19 - Holy Bible Nigerian Pidgin English

¹⁹ But if una forget di Oga una God for evritin kon dey follow oda gods, dey woship and bow for dem, I go tell una today sey, God go really distroy una.

Deutronomi 8:19 ပူးပေါင်းရင်းမြစ်များ

Jeremaya 25:6

Dem sey make una nor woship or serve oda gods and make una nor make God vex bikos una dey woship juju. So, if una obey God, E nor go ponish una.

Jeremaya 7:6

Make una stop to opress di strenjas among una; shidren wey nor get papa and mama and wimen wey dia husband don die. Make una stop to kill innocent pipol and woship oda gods, bikos e go distroy una.

Daniel 9:2

For dat same year wen e dey rule, mi Daniel kom undastand di holy book wey sey na seventy years God tell Profet Jeremaya sey, Jerusalem pipol go skata for di world.

Amos 3:2

“Out of all di families for di eart, na only una I know and kare for and bikos of dis, I go ponish una for all una sins.”

Zefanaya 1:18

Una gold and silva nor go save una wen God go show as E dey vex rish. En jealousy bi like fire and di fire go distroy di world. Yes, na God make evribody for di world dey fear.

Zefanaya 3:6

God distroy many nashons kon skata di walls for dia town. E skata dia street and nobody dey waka pass der again. Dia town don skata and nobody dey stay inside again.

Malakai 4:4

“Make una remember to obey my savant, Moses Law and all di kommandments wey I gi-am for Mount Sinai sey make e tell Israel pipol.

Luke 13:3

I tell una true word, nor bi so e bi! Unless una turn from sin kom meet God, all of una go die too!

Luke 13:5

I tell una true word, nor bi so e bi! Unless una turn from sin kom meet God, all of una go die too!”

Deutronomi 11:16

But make una dey kareful. Make una nor let anybody deceive una, so dat una nor go turn from God kon dey serve and woship oda gods.

Deutronomi 31:20

Bikos afta I don bring dem kom di land wey I promise dia grand-grand papa; di land wey get milk and honey; where dem go chop beleful kon get body, dem go turn go serve anoda god kon rijet and break my kovenant.

Deutronomi 4:26

I koll heaven and eart as witness today against una. If una break di kommand wey God give una thru mi, una go die for di land wey una won cross Jordan River enter. Una go stay der small; den God go distroy una finish.

Joshua 23:13

den make una know sey di Oga awa God nor go porshu dis nashons again. Dem go trap and turn una to slave; dem go bi kane wey go dey tear una body kon blind una eyes until una vanish komot from dis good land, wey di Oga una God give una.

1 Samuel 12:25

But if una kontinue to dey do bad tins, God go distroy both una and una king.”