Deutronomi 6:6 - Holy Bible Nigerian Pidgin English

⁶ Dis word wey I dey kommand una about today so, una must keep am for una mind

Deutronomi 6:6 ပူးပေါင်းရင်းမြစ်များ

Jenesis 18:19

I don choose am, so dat e go kommand en son and shidren-shidren sey make dem obey mi kon do wetin dey good and korrect. If dem obey mi, I go do evritin wey I promise am.”

2 Samuel 22:23

I don keep all en laws; I neva disobey en kommand.

Psalms 119:11

I don keep yor word for my heart, so dat I nor go sin against Yu.

Psalms 119:13

I dey shaut and tok about all di kommands wey Yu give us.

Psalms 119:30

I don choose to follow Yu; I don gri to live my life as yor word tok.

Psalms 119:98

Yor kommandment make mi get sense pass my enemies, bikos na dem dey always guide mi.

Psalms 37:31

Dem don make God law dia own, so dem nor go ever sin.

Psalms 40:8

‘My God, I won do wetin Yu wont, bikos Yu rite yor laws for my heart.’ ”

Proverbs 3:5

Make yu always dey trust God with all yor heart, but nor trust wetin yu tink sey yu know.

Proverbs 7:3

All wetin I tish yu, make dem always dey with yu and make yu rite dem for yor heart.

Isaya 51:7

Pipol wey know wetin dey rite, wey put wetin I dey tish dem for dia heart, make dem listin to mi. Make dem nor fear wen pipol dey curse dem.

Jeremaya 31:33

Afta I don bring Israel pipol kom back to dia land, dis na di new kovenant wey I go make with dem: I go put and rite my law for dia heart. I go bi dia God and dem go bi my pipol.

Luke 2:51

Den Jesus follow dem go Nazaret kon dey do wetin dem tell am. But en mama keep all dis tins for mind.

Luke 8:15

But di seeds wey fall for betta groun, na di pipol wey hear God word, hold am with betta mind, dey obey God and bear wahala, so dem kon bear plenty fruit.”

2 Korintians 3:3

E klear sey na Christ rite dis leta by ensef kon send am thru us. Nor bi biro dem take rite am, but na di God wey dey alive Spirit dem take rite am, nor bi for paper, but na for awa heart.

Deutronomi 11:18

So make una keep dis kommand for una mind. Make una tie dem for una hand kon wear dem for una head, so dat una go remember dem.

Deutronomi 11:20

Make una rite dem put for una door-mot and for una gate,

Deutronomi 32:46

e kon tell dem, “All dis words wey I dey tell una today, make una keep am for una mind; una must kommand una shidren to obey all dis law and kommand.

Kolossians 3:16

Make Christ word stay inside una and make una dey tish each oda with wisdom wey go make una heart strong. Make una dey sing psalms, hymns and spiritual song and dey do all dis tins to really tank God from una heart.

2 John 1:2

Bikos di trut dey inside us, e go stay inside us forever.