Deutronomi 6:2 - Holy Bible Nigerian Pidgin English

² Una go make sure sey una respet Oga God and obey all en statutes and kommandments wey I dey give una – una, una shidren and grand-shidren – go obey am with all una life so dat una go get long life.

Deutronomi 6:2 ပူးပေါင်းရင်းမြစ်များ

Jenesis 18:19

I don choose am, so dat e go kommand en son and shidren-shidren sey make dem obey mi kon do wetin dey good and korrect. If dem obey mi, I go do evritin wey I promise am.”

Jenesis 22:12

Di angel kon sey, “Make yu nor do di boy anytin, nor wound am. Naw! I don know sey yu dey fear God, bikos yu even ready to kill yor only pikin for mi.”

1 Kings 8:40

so dat yor pipol go always obey Yu as long as dem dey dis land wey Yu give dia grand-grand papa.

Job 28:28

God tell human being, ‘Before una go get sense, una must woship mi. Una go turn live bad tins, before una go fit get undastandin.’ ”

Psalms 111:10

Na to obey God bi di rite way to get sense and evribody wey dey do wetin E tok, dey get sense and do well. So make praiz bi en own forever and ever.

Psalms 128:1

Make una si di blessing wey dey follow doz wey dey fear and do wetin God kommand.

Psalms 91:16

I go bless dem with long life and give dem my salvashon.”

Exodus 20:12

Shidren! Make una respet una papa and mama, so dat una days for di land wey di Oga una God dey give una, go long well-well.

Exodus 20:20

Moses tell di pipol, “Make una nor fear, God just kom test una, so dat una go fear and always dey obey en kommand.”

Proverbs 16:6

If pesin dey honbol and faithful, God go forgi-am en sins. If yu dey fear God, yu nor go gri do bad tins.

Proverbs 3:16

E go give yu long life, plenty propaty and honor.

Proverbs 9:11

Wisdom go add more years to yor age.

Ekklesiastes 12:13

So, since yu don hear evritin, dis na my last advise: “Make yu fear God and obey all en kommands, bikos na wetin man suppose do, bi dat.”

Jeremaya 32:39

Di only tin wey I go let dem do for dis life: na to always dey honor mi, bikos na for dem and dia shidren-shidren good.

Ezekiel 20:19

Na mi bi una Oga and God, so make una obey my laws and kommand.

Luke 12:5

But make I tell una who una must fear: Make una fear di Pesin wey get pawa to trow una inside hell-fire afta E don kill una. Yes, I tell una true word, na-im una must fear!

Deutronomi 10:20

Una must fear di Oga una God kon woship and love am. Wen una swear, e go must bi with en name.

Deutronomi 11:9

If una obey di kommand, una go get long life for di land wey God promise sey, E go give una grand-grand papa and una wey bi dia shidren; land wey milk and honey full!

Deutronomi 13:4

Una must follow di Oga una God kon woship only en and una must follow en kommandment, obey, serve and always dey loyal to am.

Deutronomi 15:5

Una go receive dis blessing if una really obey dis kommand wey I dey give una.

Deutronomi 22:7

Make una free di mama, but una fit take di shidren. Make una do like dis, so dat e go dey well with una and una go get long life.

Deutronomi 30:19

“I koll heaven and eart make dem bi witness against una today sey, I don give una choice between life and deat, blessing and curse. So make una choose life, so dat una with una shidren go get long life.

Deutronomi 30:20

Den una go love di Oga wey bi una God kon dey obey en vois and hold am strong, bikos God go give una long life for di land wey E promise to give una grand-grand papa Abraham, Isaak and Jakob.”

Deutronomi 4:10

Make una nor forget di day wey una stand before di Oga una God for Mount Horeb where E for tell mi sey, “Gada all di pipol kom meet mi, so dat I go tell dem my kommand. Den dem go learn to dey fear mi as long as dem dey alive and dem go tish dia shidren to dey fear mi too.”

Deutronomi 4:40

If una obey all di laws and kommand wey I dey give una today, e go betta for una and una shidren. I dey give una dis kommand, so dat una go get long life for di land wey di Oga una God dey give una forever.

Deutronomi 4:9

But make una look well! Make una dey kareful, so dat una nor go forget wetin una don take una eyes si. As long as una dey life, make una nor let dis tins komot from una mind! Make una make sure sey una tell una shidren and grand-shidren about dis tins.

Deutronomi 5:16

Make una honor una papa and mama, just as di Oga una God don kommand una, so dat una go get long life and e go dey well with una for di land wey E won give una.

Deutronomi 5:33

Make una dey do just as E kommand una, so dat una nor go die; evritin go dey well with una and una go stay long for di land wey una dey go.

Deutronomi 6:1

Dis na di kommandment, statutes and ordinances wey Oga God give mi make I tish una and una must obey and do dem for di land where una dey go.

Deutronomi 6:24

Na di Oga awa God kommand us to obey and fear all en kommand, so dat E go kontinue to bless and guide awa life, as E dey do since kon rish today.

Deutronomi 6:7

and una must tish una shidren kon tok about am as una sidan for house; dey waka for road; dey sleep or wen una wake-up.

Joshua 4:24

E do am make all di kountry for eart know sey na God get all di pawa, so una must always obey di Oga wey bi una God.”

1 Pita 1:17

Since una dey koll God wey dey judge evribody akordin to wetin e do, “Papa”, make una live una life with respet for am.