Deutronomi 6:18 - Holy Bible Nigerian Pidgin English

¹⁸ Make una always dey do wetin dey rite and good for God eye, so dat evritin go dey well with una, den una go enter and stay for di good land wey God promise sey E go give una grand-grand papa.

Deutronomi 6:18 ပူးပေါင်းရင်းမြစ်များ

Psalms 19:11

Dem dey tish yor savant well and doz wey dey obey dem, go get betta reward.

Exodus 15:26

God sey, “If una really obey di Oga una God kon do wetin good for my eyes and listin to my kommand, I nor go sofa una with all di diziz wey I send go Egypt, bikos na mi bi di Oga una God wey dey heal una.”

Isaya 3:10

So make una tell innocent pipol sey e go betta for dem, bikos God go reward dem for wetin dem don do.

Isaya 38:3

“Oga God, make Yu remember sey I dey faithful and loyal as I dey serve Yu. I always dey do wetin Yu wont make I do.” Den e kon bigin kry well-well.

Ezekiel 18:19

“Naw, yu go ask sey: ‘Wetin make di pikin nor sofa for wetin e papa do?’ Di ansa na sey di pikin do wetin dey rite and good. E keep and obey my law, so e must really get long life.

Ezekiel 18:21

“If wiked man stop to sin kon dey obey my law; dey do wetin dey rite and good, e nor go die, but e go get life.

Ezekiel 18:27

Na so too, wen wiked man stop to sin kon dey do wetin dey rite and good, e go save en life,

Ezekiel 18:5

“If to sey one man dey wey really dey good, raitious and honest;

Ezekiel 33:14

Like dis too, I fit warn wiked pesin sey e go die, but if e stop di bad tins wey e dey do kon dey do wetin good and rite;

Ezekiel 33:16

I go forgive en sins and e go get di life wey nor dey end, bikos e don do wetin dey rite and good.

Ezekiel 33:19

But wen wiked pesin stop to sin kon dey do wetin dey good for God eye, e don save en life bi dat.

Hosea 14:9

Make doz wey dey wise, undastand dis tins. Make doz wey get sense, listin well-well. God ways dey true and e dey rite too and pipol wey dey raitious, dey follow am as dem dey live dia life. But doz wey dey sin, go stagga fall.

John 8:29

And di Pesin wey send mi dey with mi. E nor dey leave mi, bikos I always dey do di tins wey E wont.”

Romans 12:2

Make una nor bi like pipol for di world, but make una allow God shange una mind, den una go know how to serve God and do tins wey dey make belle sweet am.

Deutronomi 12:25

Make una nor chop di blood, so dat evritin go dey well with una and una shidren-shidren and if una do like dat, belle go sweet God.

Deutronomi 12:28

Make una make sure sey una obey all di kommand wey I dey give una, so dat evritin go dey well with una and una shidren-shidren, bikos una do wetin dey good and betta for una Oga God eye.

Deutronomi 13:18

Di Oga una God go sorry for una only if una listin to en vois, keep en kommand wey I tell una kon dey do wetin dey good for en eye.

Deutronomi 4:40

If una obey all di laws and kommand wey I dey give una today, e go betta for una and una shidren. I dey give una dis kommand, so dat una go get long life for di land wey di Oga una God dey give una forever.

Deutronomi 5:29

If to sey dem go just gri fear mi and obey all my kommand, e for dey well with dem and dia shidren-shidren forever.

Deutronomi 5:33

Make una dey do just as E kommand una, so dat una nor go die; evritin go dey well with una and una go stay long for di land wey una dey go.

Deutronomi 6:10

Den wen di Oga una God take una enter di land wey E promise una grand-grand papa, Abraham, Isaak and Jakob sey E go give una; di land wey get big and fine-fine towns wey una nor build at-all

Deutronomi 6:19

Just as God sey make una do, all di enemies wey dey stay der, una go porshu dem komot.

Deutronomi 8:11

Make una make sure sey una nor forget di Oga una God. Make una dey keep en kommand and law wey I dey give una today.