Deutronomi 6:13 - Holy Bible Nigerian Pidgin English

¹³ Una must fear di Oga una God kon serve am. Una must use only en name take swear.

Deutronomi 6:13 ပူးပေါင်းရင်းမြစ်များ

Jenesis 24:3

Den promise with di Oga God name, di God for heaven and eart sey yu nor go allow my pikin marry one for doz local Kanaan wimen.

2 Kings 17:36

Instead una must woship mi wey bring una kom out from Egypt with my great pawa. Una go bow and offa sakrifice to only mi.

Psalms 15:4

Doz wey hate pipol wey dey sin and honor doz wey dey fear and follow God! Pipol wey dey do wetin dem promise even wen e dey pain dem.

Psalms 63:11

But di king go happy bikos of God love. Evribody wey trust God go dey boast, bikos pipol wey dey lie, go shut up forever.

Exodus 20:7

Make una nor use di Oga una God name take make yeye, bikos I go ponish anybody wey do like dat.

Exodus 23:25

“If una serve di Oga una God, E go bless una bread and wota kon remove all una sickness.

Isaya 45:23

Wetin I promise una, na true and nobody go fit shange am. Evribody go kom knee down for my front den promise sey dem go respet and obey mi.

Isaya 48:1

Jakob shidren-shidren, make una listin to mi. Una wey bi Israel pipol wey kom from Judah tribe: pipol wey swear with God name sey, “Na Israel God wi dey woship,” but una nor mean wetin una dey tok.

Isaya 65:16

Anybody for di land wey ask for blessing, God wey dey faithful go bless am. Anybody wey won swear, go use God name wey bi trut take swear and dis na bikos di trobol wey dey before, don pass and I go forget dem forever.”

Jeremaya 12:16

But dem must first asept my pipol relijon with dia heart and as dem make my pipol swear with dia Baal juju, na so too, dem go use my name take swear kon sey: ‘Wi swear with God wey nor dey die.’ If dem do all dis tins, I go add dem join my pipol.

Jeremaya 4:2

den, na only my name una go take swear sey, ‘As long as God dey alive, wi go do wetin wi promise’, den all di nashons go praiz mi and I go bless dem bikos of una.”

Jeremaya 5:2

Doh dis pipol dey swear with God name, but di trut bi sey, dem nor mean wetin dem dey tok.”

Jeremaya 5:7

God ask, “Jerusalem pipol! Wetin nor go make mi ponish una wen e bi sey, una leave mi kon go woship gods wey nor bi god at-all? Even doh I dey give una evritin wey una wont, una still dey bihave like wife wey go sleep with who nor bi en husband and una dey stay with ashawo.

Levitikus 19:12

Make una nor lie with my name kon promise pipol, bikos una go disgrace my name. Na mi bi di Oga una God.

Matiu 4:10

Jesus ansa, “Komot here, devil! Bikos God word sey, ‘Na only God wi suppose to serve and woship.’ ”

Matiu 5:33

“Again, yu don hear sey dem tell pipol before-before sey, ‘Make yu nor break yor promise, but do wetin yu promise God.’

Luke 4:8

Jesus ansa, “God word sey, ‘Na only God yu must woship and serve.’ ”

Deutronomi 10:12

Naw, Israel pipol, wetin di Oga una God wont from unasef? E wont make una dey fear am kon dey live di kind life wey E wont make una live. E wont make una love, respet and serve am with all una soul and heart.

Deutronomi 10:20

Una must fear di Oga una God kon woship and love am. Wen una swear, e go must bi with en name.

Deutronomi 13:4

Una must follow di Oga una God kon woship only en and una must follow en kommandment, obey, serve and always dey loyal to am.

Deutronomi 13:5

But for di profet and doz wey dey si wetin go happen, make una kill dem, bikos dem won make pipol sin against di Oga una God wey take una komot from Egypt where una for bi slave. Una must kill dem, bikos dem dey try to deceive una komot from di way wey God wont make una follow. So like dis, una must skata and distroy evry bad tin or pipol wey dey among una.

Deutronomi 5:11

Make una nor use di Oga una God name take make yeye, bikos God nor go sorry for anybody wey use en name anyhow.

Deutronomi 5:29

If to sey dem go just gri fear mi and obey all my kommand, e for dey well with dem and dia shidren-shidren forever.

Deutronomi 6:2

Una go make sure sey una respet Oga God and obey all en statutes and kommandments wey I dey give una – una, una shidren and grand-shidren – go obey am with all una life so dat una go get long life.

Joshua 2:12

So make una promise and swear with God name sey, bikos I dey good to una, una go dey good to mi and my family. Make una promise sey

Joshua 23:7

or kon make friend with di remainin nashons. Una must nor use dia god name take make mout or tok about am! Una must nor woship or bow to dem!

Joshua 24:14

“Naw, make una obey God kon dey loyal as una dey woship am with betta mind. Make una forget di gods wey una grand-grand papa dey serve before-before for di oda side for di river and for Egypt and make una kom woship God.

1 Samuel 20:3

But David sey, “Yor papa know how yu like mi well-well and e don gri for en mind sey, ‘Make I nor let Jonatan know about dis matter, bikos if e know, e nor go dey happy!’ But as long as God dey alive, na small tin make mi neva die!”

1 Samuel 7:3

Samuel kon tell Israel pipol, “If una don really turn from sin kom meet God with all una heart, make una remove all di small-small Ashtoret gods wey una get. Make una give una heart to God kon serve only en. Den E go save una from Filistia pipol pawa.”