Deutronomi 6:1 - Holy Bible Nigerian Pidgin English

¹ Dis na di kommandment, statutes and ordinances wey Oga God give mi make I tish una and una must obey and do dem for di land where una dey go.

Deutronomi 6:1 ပူးပေါင်းရင်းမြစ်များ

Exodus 21:1

“Naw, dis na di laws wey yu go tell Israel pipol:

Exodus 23:13

“Make una do evritin wey I tell una and una nor go pray or swear to any oda god. Make I nor ever hear dia name for una mout.

Ezekiel 20:19

Na mi bi una Oga and God, so make una obey my laws and kommand.

Ezekiel 37:24

“Na from my savant David house, dia king go from kom. All of dem go dey happy under one king and dem go obey and respet all my laws.

Levitikus 27:34

Dis na di kommand wey God give Moses for Mount Sinai and na for Israel pipol.

Nombas 36:13

Dis na di rule and laws wey God give Israel pipol thru Moses for Moab land opposite Jordan River for Jeriko.

Deutronomi 12:1

Dis na di rules and laws wey una must obey, wen una don enter di land wey una grand-grand papa God, dey give una. As long as una dey alive, una must obey dem.

Deutronomi 3:18

For dat time, I tell dem sey: “Di Oga wey bi una God don give una dis land as una own. Una sojas wey don ready for war go cross first, before Israel pipol go follow for back.

Deutronomi 33:3

Yes! God really love en pipol; all doz wey dey holy dey en hand. Dem waka as E dey waka kon do di tins wey E tish dem.

Deutronomi 4:1

Israel pipol, make una listin to di rules and law wey I won tish una naw. Make una obey dis law, so dat una go get betta life kon enter and stay di land wey awa grand-grand papa God promise sey E go give us.

Deutronomi 4:14

Na den God kommand mi sey, make I tish una dis rules and law, so dat una go obey dem for di land wey una won enter go stay.

Deutronomi 4:45

All dis na di law, rules and kommand wey Moses tell Israel pipol afta e don lead dem komot from Egypt

Deutronomi 4:5

Si! I don tish una di rules and law, just as God tell mi, so dat una go dey do dem for di land wey una won enter go stay.

Deutronomi 5:31

But make yu nor follow dem go, yu go dey here with mi, so dat I go fit tell yu all di kommand, rules and law wey yu go tish dem, so dat dem go dey do dem for di land wey I go give dem.”

Deutronomi 5:33

Make una dey do just as E kommand una, so dat una nor go die; evritin go dey well with una and una go stay long for di land wey una dey go.

Deutronomi 6:2

Una go make sure sey una respet Oga God and obey all en statutes and kommandments wey I dey give una – una, una shidren and grand-shidren – go obey am with all una life so dat una go get long life.