Deutronomi 5:29 - Holy Bible Nigerian Pidgin English

²⁹ If to sey dem go just gri fear mi and obey all my kommand, e for dey well with dem and dia shidren-shidren forever.

Deutronomi 5:29 ပူးပေါင်းရင်းမြစ်များ

1 Kronikles 29:18

God wey bi awa grand-grand papa Abraham, Isaak and Jakob God, make yor pipol always dey ready to obey Yu forever, so dat Yu go always make dem dey faithful to Yu.

Psalms 106:3

Joy dey for pipol wey dey do well and always dey do wetin dey rite.

Psalms 19:11

Dem dey tish yor savant well and doz wey dey obey dem, go get betta reward.

Psalms 19:12

So God, how I won take know all my fault? Make Yu klean mi from di bad tins wey I do wey I nor know.

Psalms 78:7

So evry generashon go get hope and trust God and dem nor go forget en great mirakles, but dem go obey en kommand.

Psalms 81:16

But I go give Israel pipol betta food chop; I go make una beleful with betta honey wey dey flow kom out from di rock.”

Isaya 3:10

So make una tell innocent pipol sey e go betta for dem, bikos God go reward dem for wetin dem don do.

Isaya 48:18

If to sey una just gri listin to my kommand, una peace for bi like river and una raitiousness for bi like wave for sea.

Jeremaya 42:6

Weda wi like wetin God tok or not, wi go obey di Oga awa God wey wi sey make yu help us pray to. Bikos wi know sey, if wi obey am, evritin go dey well for us.”

Jeremaya 44:4

I dey send my savants and di profets kom meet dem, so dat dem go stop all dis wiked tins wey I hate,

Matiu 23:37

“O! Jerusalem pipol, O! Jerusalem pipol! Una wey kill di profets and stone di pipol wey God send kom meet una! I don dey try to gada una shidren as fawol dey gada en shidren under am, but una nor let mi do am.

Luke 11:28

Den Jesus sey, “Pipol wey hear God word and do wetin e tok, na dem God don bless!”

Luke 19:42

den e sey, “I wish sey una know wetin go give una peace today! But naw, God don hide am from una.

John 15:14

Una go bi my friend if una do wetin I tok.

2 Korintians 5:20

Wi dey ripresent Christ, so dat God go tok to una, thru us. Wi dey beg una bikos of Christ sey, “Make una shange kon bi God friend!”

2 Korintians 6:1

Naw, bikos wi bi fellow workers, wi dey beg una make una nor waste God grace wey una don receive.

Efesians 6:3

So dat e go betta for una and una go get long life.

Deutronomi 10:12

Naw, Israel pipol, wetin di Oga una God wont from unasef? E wont make una dey fear am kon dey live di kind life wey E wont make una live. E wont make una love, respet and serve am with all una soul and heart.

Deutronomi 10:20

Una must fear di Oga una God kon woship and love am. Wen una swear, e go must bi with en name.

Deutronomi 11:1

Una must love di Oga wey bi una God kon obey evritin wey E tok. Dat is, en law, rules and kommand wey E give una.

Deutronomi 12:25

Make una nor chop di blood, so dat evritin go dey well with una and una shidren-shidren and if una do like dat, belle go sweet God.

Deutronomi 12:28

Make una make sure sey una obey all di kommand wey I dey give una, so dat evritin go dey well with una and una shidren-shidren, bikos una do wetin dey good and betta for una Oga God eye.

Deutronomi 19:13

Make una nor sorry for dat kind pesin! Pipol wey dey kill pipol wey nor do anytin, make una komot dem from Israel, den evritin go dey well with una.

Deutronomi 22:7

Make una free di mama, but una fit take di shidren. Make una do like dis, so dat e go dey well with una and una go get long life.

Deutronomi 4:10

Make una nor forget di day wey una stand before di Oga una God for Mount Horeb where E for tell mi sey, “Gada all di pipol kom meet mi, so dat I go tell dem my kommand. Den dem go learn to dey fear mi as long as dem dey alive and dem go tish dia shidren to dey fear mi too.”

Deutronomi 4:2

Make una nor add join or remove from dis kommand wey I dey give una. Make una just obey di Oga una God kommand wey I dey give una.

Deutronomi 4:40

If una obey all di laws and kommand wey I dey give una today, e go betta for una and una shidren. I dey give una dis kommand, so dat una go get long life for di land wey di Oga una God dey give una forever.

Deutronomi 5:16

Make una honor una papa and mama, just as di Oga una God don kommand una, so dat una go get long life and e go dey well with una for di land wey E won give una.

Deutronomi 5:30

“So make yu go tell dem, ‘Make dem go back to dia house!’

Deutronomi 5:33

Make una dey do just as E kommand una, so dat una nor go die; evritin go dey well with una and una go stay long for di land wey una dey go.

Deutronomi 6:17

Make una make sure sey una dey obey dis kommand well kon keep all di laws wey E give una.

Deutronomi 6:18

Make una always dey do wetin dey rite and good for God eye, so dat evritin go dey well with una, den una go enter and stay for di good land wey God promise sey E go give una grand-grand papa.

Deutronomi 6:3

Make una pay attenshon, Israel pipol, and dey kareful to do dis, so dat una go stay well kon plenty more-more – as God, una papa-papa Oga tell una and una go inherit di land where milk and honey plenty well-well.

Deutronomi 8:6

So make una obey di kommand wey di Oga una God give una kon do as E tok and always dey fear am.

Hibru 12:25

Make sure sey una dey obey di Pesin wey dey tok to una! Bikos if Israel pipol wey nor gri hear dia oga Moses word for eart nor eskape, how wi go fit eskape, if wi nor gri hear di Pesin wey dey tok to us from heaven?

James 1:25

But di pesin wey dey look God pafet law wey dey free pipol; dey do wetin di word tok and e nor dey listin and forget, God go bless am for evritin wey e dey do.

Revelashon 22:14

God don bless doz wey wosh dia klot klean, so dem go get authority to chop from di tree wey dey give life and dem go fit pass di gate enter di town.

Rut 3:1

For dat time, Naomi kon tell Rut, “My pikin, I must find betta house for yu, so dat yu go dey sikure.