Deutronomi 4:7 - Holy Bible Nigerian Pidgin English

⁷ In-short, e nor get any oda kountry wey dia gods dey klose to dem like di Oga awa God wey dey ansa wen ever wi koll am.

Deutronomi 4:7 ပူးပေါင်းရင်းမြစ်များ

2 Samuel 7:23

No kountry for dis world bi like Israel wey Yu komot from slave kon make dem yor pipol. Di big tins wey Yu do for dem, make pipol know yor name for di whole world. Yu save yor pipol from Egypt, plus di juju and gods wey dey der.

Psalms 145:18

God dey klose to all di pipol wey dey koll am for help; Yes! E dey klose to evribody wey dey koll am with klean mind.

Psalms 147:20

E neva do like dis for any oda nashon; no oda nashon know en rules and kommand. So make wi praiz God!

Psalms 148:14

E don make en pipol strong kon honor pipol wey dey obey am and na dem bi Israel pipol wey dey klose to am. So make wi praiz God!

Psalms 34:17

God dey hear en pipol wen dem koll am for help. E dey save dem from all dia wahala.

Psalms 34:18

Pipol wey nor get hope, God dey-dey near dem; E dey save doz wey dia spirit dey die.

Psalms 46:1

Na God bi di strong place wey wi dey hide put and na-im dey help us wen wi dey trobol.

Psalms 73:28

But for mi, si as e good to dey near God! I don make di God wey get pawa my guide and I go tell evribody about di wonderful tins wey E don do.

Psalms 85:9

True-true, time dey kom wen pipol wey dey follow am well, go si en salvashon; den en glory go appear for di land again.

Isaya 43:4

I go give out many nashons, so dat una go dey save. I value una well-well and I love and honor una.

Isaya 55:6

Make una turn and pray to God naw wen E dey near una.

Nombas 23:21

Wahala nor go happen to Jakob shidren; Israel pipol nor go si trobol. Bikos di Oga wey bi dia God dey with dem and na-im bi di king.

Nombas 23:9

I dey si dem from where I stand on-top di rock; I dey look dem from di hill. Dem bi one nashon wey dey stay alone; dem know sey dem dey bless pass oda nashon.

Acts 17:27

so dat as dem dey look for God, dem go si am, even doh E nor dey far from all of us.

Deutronomi 26:19

If una obey am, E go karry una high pass evry oda pipol wey E kreate. Den una go get praiz, honor and evribody go dey tok good about una. Una go bi holy pipol to di Oga una God, just as E promise.

Deutronomi 33:29

Israel pipol, si as una dey happy! Who bi like una? Una bi pipol wey God diliver, bikos na God dey protet una and na-im bi una swod. Make una enemies kry before una and una go mash dia back pass.”

Deutronomi 4:32

True-true, make una look as e bi before, from di time wey God kreate pipol for dis eart kon rish naw and una look from where di heaven start go rish di end, anytin wey dey great like dis don ever happen or sey pipol si am before?

Deutronomi 5:26

E get anybody for dis whole world wey hear God vois from inside fire as wi hear am kon still dey alive like us?

James 4:8

Draw near God and E go draw near yu. Una wey bi sina, make una wosh una hand and una wey get doubol mind, make una heart dey klean.