Deutronomi 4:31 - Holy Bible Nigerian Pidgin English

³¹ (bikos E dey sorry for pipol), E nor go let una fall or distroy una, bikos E nor fit forget di kovenant wey E make with una grand-grand papa dem.

Deutronomi 4:31 ပူးပေါင်းရင်းမြစ်များ

1 Kronikles 28:20

David tell Solomon en pikin, “Make yu nor fear, but start di work with strong heart and nor let anytin stop yu. God wey I dey serve, go dey with yu. E nor go abandon yu, but E go stay with yu till yu finish di temple and evritin wey go dey inside.

2 Kronikles 30:9

If una turn back kom meet God, doz wey karry una relashon go prison, go pity and free dem. Di Oga una God dey sorry for pipol and if una turn back kom meet am, E nor go rijet una.”

Nehemaya 1:5

“Oga God for heaven! Yu big well-well and wi dey fear Yu. God wey keep en promise with doz wey love and dey do wetin E kommand.

Nehemaya 9:31

But bikos of yor great mesi, Yu nor distroy dem finish or abandon dem forever. Si as Yu dey good and dey show mesi!

Psalms 103:8

God dey sorry and show mesi to pipol well-well; E nor dey kwik vex and en love for us nor dey fail.

Psalms 105:8

E always dey keep en kovenant; di promise wey E make give 1,000 generashon.

Psalms 111:4

E dey make us remember en wonderful works, bikos awa God dey good and dey show mesi!

Psalms 111:5

E dey give food to pipol wey dey obey am and E always dey remember en kovenant.

Psalms 111:9

E diliver en pipol kon make sure sey en kovenant go dey forever. Make una si as en name dey holy and big!

Psalms 116:5

Naw, make una si as God kind and good rish! Dis awa God too dey pity for pesin!

Psalms 86:15

But Yu, my Oga, Yu bi God wey dey sorry and pity for pipol; Yu nor dey kwik vex and Yu dey show yor faithfulnes and great love wey nor dey fail.

Psalms 86:5

Yu dey good and ready to forgive awa sins and pipol wey kom meet Yu for help, Yu dey show dem yor love wey nor dey fail.

Exodus 6:8

I go take and give una di land wey I promise sey I go give Abraham, Isaak and Jakob. Na mi bi Oga God!’ ”

Jeremaya 14:21

Make Yu remember yor promise and nor hate us. Nor disgrace Jerusalem, di place wey yor throne wey get glory, dey. Abeg, make Yu nor break di kovenant wey Yu make with us.

Jeremaya 30:11

I go save and dey with una. I go distroy all di nashons where I skata una go, but I nor go distroy una finish. I go ponish una, but I go do am small-small. Yes! I nor go let una go without ponishment. Mi, wey bi God, don tok.”

Levitikus 26:42

I go remember di kovenant wey I make with Abraham, Isaak and Jakob kon fulfil my promise, den give my pipol di land.

Levitikus 26:44

“But even wen dem still dey dia enemy land, I nor go leave and distroy dem finish. Bikos dat one go make my kovenant with dem end, na mi bi di Oga dia God.

Levitikus 26:45

I go renew di kovenant wey I make with dia papa wen I show all di kountries my pawa wey I take karry dem komot from Egypt, so dat mi wey bi di Oga God, go bi dia God.”

Jonah 4:2

Den e kon dey komplain to God, “My God, before I komot from my kountry, I know sey dis na wetin Yu go do? Na dis tin make mi try to run go Tarshish! I know sey Yu dey sorry and kare for pipol and Yu get patient, dey kind and instead of Yu to ponish pipol, Yu always dey ready to forgive dem.

Mikah 7:18

E nor get anoda god like Yu; Yu dey forgive yor pipol wey survive. Yu nor dey vex forever, instead, Yu dey happy to show yor pipol yor love wey nor dey end.

Nombas 14:18

‘Mi wey bi God, I nor dey kwik vex and I dey show my love and goodness well-well. I dey forgive pipol sins and sturbones, but I go still ponish dia shidren-shidren go rish dia third and fourt generashon, bikos of di sin wey dia papa and mama kommit.’

Luke 1:72

E do dis tins to show en love for awa grand-grand papa dem and to remember di promise wey E give dem.

Deutronomi 31:6

Make una dey strong and make una heart nor shake; make una nor fear dem at-all, bikos na di Oga una God dey go with una. E nor go leave or forget una.”

Deutronomi 31:8

God go-go for yor front. E go dey with yu; E nor go leave or forget yu. Make fear nor katch yu and make di work nor taya yu.”

Hibru 13:5

Make una nor love money and make wetin una get rish una, bikos God sey, “I nor go ever leave or abandon yu.”

Joshua 1:5

Nobody go fit stop yu still yu die. I go dey with yu as I dey with Moses. I nor go forget or leave yu.