Deutronomi 4:29 - Holy Bible Nigerian Pidgin English

²⁹ But if una turn to God from der, E go kom help una, dat na if una really turn kom meet am with all una heart and soul.

Deutronomi 4:29 ပူးပေါင်းရင်းမြစ်များ

2 Kings 10:31

But Jehu nor obey di Oga, Israel God with en whole heart; instead e kon dey sin like Jeroboam wey make Israel sin.

2 Kings 23:3

Di king stand near di pila kon promise to obey di kovenant wey dem make with God before. E promise to use en whole heart take obey God law, evry oda tin wey God tok and to do evritin wey dey di book. All di pipol agri to obey di kovenant too.

2 Kronikles 15:12

Dem gri sey na only di Oga wey bi dia grand-grand papa God, dem go serve with dia whole heart.

2 Kronikles 15:15

Judah pipol happy, bikos dem make dis promise with all dia heart. Dem find God with dia heart and E hear dia kry kon save dem.

2 Kronikles 15:2

E go meet King Asa kon tell am, “King Asa, Judah and Benjamin tribe, make una listin to mi! As long as una dey obey God, E go always dey with una. If una koll am, E go ansa una, but if una rijet am, E go rijet una too.

2 Kronikles 15:4

Bikos of dia sofa, dem kon turn go meet Israel God. Dem find am until dem si am.

2 Kronikles 31:21

Evritin wey e do to take serve God well for en temple and to follow God laws and kommands, Hezekaya do dem with e whole heart and bikos of dis, God kon make am prosper.

Nehemaya 1:9

But if una turn back from una sin kom meet mi and do wetin I kommand una, I go bring una kom di place wey I don choose sey una go for woship mi, even doh una skata for evriwhere for dis world.’

Nehemaya 9:27

so Yu kon allow dia enemies win and rule dem. But wen dem koll Yu for help wen dem dey trobol, Yu ansa dem from heaven. Bikos of yor great mesi, Yu send leaders wey kom save dem from dia enemies.

Psalms 119:10

I don try well-well to find Yu. Abeg, make Yu nor let mi go against yor kommand.

Psalms 119:145

My God, make Yu ansa mi, bikos I dey pray with all my heart, so dat I go always dey obey yor laws.

Psalms 119:2

Pipol wey dey follow en rules kon find am with all dia heart, make una si as dia blessing many rish.

Psalms 119:58

I wont yor blessing with all my heart, so make Yu show mi mesi, just as Yu promise.

Jeremaya 3:10

Even with all dis tins, Israel sista wey bi Judah nor gri turn kom meet mi with all dia heart, but dem just dey pritend.” Oga God don tok.

Jeremaya 51:50

God tell en pipol wey dey Babilon, “Una don eskape deat! So make una dey go and nor wait! Even doh una dey far from una land, make una tink about mi wey bi una Oga God and una go remember Jerusalem.”

Ezekiel 6:9

where dem go for bi strenja. Dat time, dem go remember kon know sey I don ponish and disgrace dem, bikos dia heart rijet mi and dem kon decide to serve juju. Dem go hate demsef, bikos of di bad and wiked tins wey dem don do.

Joel 2:12

Dis na wetin make God sey, “Make una turn from sin kom meet mi naw wey time still dey. Make una give mi una heart. Make una fast, kry and mourn as una dey kom meet mi.

Amos 5:4

God tell Israel, “Make una kom back kom meet mi and una nor go die.

Deutronomi 10:12

Naw, Israel pipol, wetin di Oga una God wont from unasef? E wont make una dey fear am kon dey live di kind life wey E wont make una live. E wont make una love, respet and serve am with all una soul and heart.

Deutronomi 11:13

Naw, if una listin well-well to my kommand, wey I dey tell una today kon love di Oga una God and serve am with all una heart and mind,

Deutronomi 26:16

Today, di Oga una God don kommand una to obey all en laws and rules. So make una dey sure sey una dey obey dem with all una heart.

Deutronomi 30:10

Dis tin go happen wen una obey di Oga una God vois kon keep all en law and kommand wey dem rite for di Law Book, bikos una don turn kom meet God with all una heart and soul.

Deutronomi 6:5

So una must love di Oga una God with all una heart, all una soul and all una pawa.

Joshua 22:5

But make una dey obey God kommand and laws wey en savant Moses tell una with kare; make una dey loyal to am kon serve am with all una heart and body!”

1 Samuel 7:3

Samuel kon tell Israel pipol, “If una don really turn from sin kom meet God with all una heart, make una remove all di small-small Ashtoret gods wey una get. Make una give una heart to God kon serve only en. Den E go save una from Filistia pipol pawa.”