Deutronomi 4:26 - Holy Bible Nigerian Pidgin English

²⁶ I koll heaven and eart as witness today against una. If una break di kommand wey God give una thru mi, una go die for di land wey una won cross Jordan River enter. Una go stay der small; den God go distroy una finish.

Deutronomi 4:26 ပူးပေါင်းရင်းမြစ်များ

Jenesis 19:13

bikos wi kom distroy di town. Dia sin and di wiked tins wey dem dey do, don too many. So God send us kom distroy am.”

1 Kings 9:7

I go remove una from Israel pipol and di land wey I give dem. I go still abandon dis temple wey I don make holy sey make dem for dey woship mi. Pipol for evriwhere go laf Israel pipol and dem nor go respet dem again.

Isaya 1:2

Heaven and eart, make una listin to wetin God tok: “Di shidren wey I train by mysef don turn against mi.

Isaya 6:11

I kon ask, “Oga God, how long dis tins go take happen?” E ansa, “Na till di town skata finish and nor-tin go dey inside again. Till nobody dey stay di house and na until di land don turn where dem dey trow dirty put.

Jeremaya 16:13

So, I go drive una komot from dis land go where una and una grand-grand papa nor know at-all; land where una go dey woship oda gods both for day time and for nite, bikos I nor go sorry for una.” ’ ”

Jeremaya 2:12

So heavens, make una sopraiz bikos of dis tins. Yes! Make una shok and sopraiz well-well,

Jeremaya 22:29

Judah land, Judah land, Judah land! Make una listin to wetin God won tok:

Jeremaya 32:24

Si as Babilon pipol build dia kamp round di town and dem won seize and attack am. Dem go win, bikos war, honga and diziz don already dey kill yor pipol. Naw, make Yu si sey evritin wey Yu tok, don dey happen.

Jeremaya 44:22

Bikos God nor fit bear all di yeye tins wey una dey do, na dis make am turn una land to where pipol dey curse. E don skata am and pipol nor dey stay der again.

Jeremaya 6:19

Pipol for dis eart! Make una hear dis word: ‘I won bring wahala for dis pipol. E go bi payment for dia wikedness, bikos dem don rijet my law and dem nor gri listin to wetin I tok.

Ezekiel 33:28

I go make di kountry empty finish kon end di pawa wey make dem dey proud before. Israel mountins go empty and nobody go fit travel pass der again.

Ezekiel 36:4

So di mountins, hills, rivers and valleys, make una listin to wetin mi God wey get pawa dey tell una. Aldo sey una towns skata naw and oda nashons dey curse and laf una,

Levitikus 18:28

Make una nor make di land rijet una, bikos una spoil am, just as e rijet di pipol wey dey der before.

Mikah 1:2

Make pipol for evriwhere listin! Make evribody wey dey for dis world, listin to wetin I dey tok. God wey get pawa dey tok against una and E dey kom judge una from en holy temple.

Mikah 6:2

Naw, make di mountins listin to God! E get kase against en pipol. E go tok wetin Israel pipol do.

Luke 21:24

Dem go use swod kill some, karry some as prisona go anoda kountry and di Gentile pipol go distroy Jerusalem, until di time wey God sey Israel must sofa, go end.

Deutronomi 11:17

If una do like dis, God go vex for una well-well. E go lock di sky and rain nor go fall, den di groun nor go bear food. Den una go kwik-kwik die for di good land wey God dey give una.

Deutronomi 28:20

Na God by ensef go send curse, problem, wahala, konfushon and E go dey fight una for evritin wey una dey do, until una skata and die finish, bikos of di wiked tins wey una dey do and bikos una don turn from am.

Deutronomi 28:22

God go kill una with bad diziz, fever, sore, kro-kro and kold. Dis diziz go attack una until una die finish.

Deutronomi 28:45

If una nor gri listin to di Oga una God or obey en kommand and law wey E give una, all dis curse go porshu una, until e distroy all of una.

Deutronomi 28:61

Di Oga una God go still ponish una with difren sickness wey nor dey join dis ones and E go dey bring dem kom, until una don die finish.

Deutronomi 29:28

So God don vex remove dem from dia land kon karry dem go anoda land and evribody dey si as e bi today.’ ”

Deutronomi 31:28

Make all di tribes kom meet mi; una eldas and ofisas, so dat I go tok to dem by mysef about dis tins kon koll di heavens and eart to bi witness against dem.

Deutronomi 32:1

Heavens make una listin to mi as I dey tok; eart make una listin to di words wey I won tok so.

Deutronomi 7:4

bikos dem go take una shidren from mi kon let dem go woship anoda god. Den God go vex for una well-well kon kwik distroy una.

Deutronomi 8:19

But if una forget di Oga una God for evritin kon dey follow oda gods, dey woship and bow for dem, I go tell una today sey, God go really distroy una.

Deutronomi 8:20

Just like di pipol wey God won distroy for una, na so too E go do to una, bikos una nor gri follow en kommand.

Joshua 23:16

If una go against di Oga una God kovenant wey E kommand make una keep kon follow, woship and dey bow to oda gods, God go vex for una well-well and una go kwik-kwik vanish komot from dis good land wey E give una.”

Joshua 24:20

If una forget God kon go woship anoda god, E go turn against una; E go bring wahala kom meet and distroy una, even doh E trit una as pikin before.”