Deutronomi 4:20 - Holy Bible Nigerian Pidgin English

²⁰ Make una remember sey di Oga wey bi una God, save and take una komot from Egypt, so dat una go bi en own pipol wey E go guide and na so una bi till today.

Deutronomi 4:20 ပူးပေါင်းရင်းမြစ်များ

1 Kings 8:51

Dem bi yor pipol wey Yu karry komot Egypt; place wey bi like sey na fire dey burn dem.

Psalms 135:4

True-true, God don choose Jakob as en own and Israel pipol as en own pipol.

Psalms 28:9

So God, make Yu save yor pipol! Make Yu bless Israel pipol wey bi yor special propaty. Make Yu guide dem like shepad kon karry dem for yor hand forever.

Psalms 33:12

Si as blessing full di nashon wey God bi dia God, bikos God don take dem as en own.

Exodus 1:13

so dem kon dey ponish Israel pipol anyhow.

Exodus 1:14

Egypt pipol make life taya Israel pipol with di kind hard work wey dem dey do with mortar, stones and all di work for di field.

Exodus 34:9

kon sey, “My Oga God, if I really dey good for yor eye, make Yu go with us, bikos wi bi sturbon pipol; make Yu forgive us awa evil and sin kon take us as yor pipol.”

Exodus 6:7

I go take una as my pipol and I go bi una God. Den una go know sey na mi bi di Oga wey bi una God. Di One wey save una from Egypt pipol hand wen dem dey sofa una.

Isaya 30:6

Dis message na about di animals for Negev: For der, di pipol pak dia propaty and money on-top donkey kon travel pass one land wey wahala and trobol full; where lions, snake and oda wiked animals dey stay. Dem travel go meet pipol wey nor go fit help dem.

Isaya 48:10

Naw, make una si as I don klean una and nor be like silva; but na betta sofa and wahala I take test and klean una.

Jeremaya 11:4

Wen I take Israel, my pipol komot from Egypt where di land bi like fire for dia body, na der I for make kovenant with dem. I tell dem make dem obey and do evritin wey I kommand. I still sey, if dem obey mi, dem go bi my pipol and I go bi dia God.

Daniel 3:26

Nebukadnezzar waka near di fire door kon koll dem, “Shadrak, Meshak and Abednego; God Almighty savants, make una kom out!” Den Shadrak, Meshak and Abednego kon waka komot from di hot fire.

Efesians 1:11

All tins dey happen as God wont am and thru Christ, E choose us to bi en own pipol, bikos na so E plan am from di time wen E kreate di world,

Efesians 1:18

Una eye don open to undastand di grace wey God koll una kom enter and una don si how di blessing wey E promise en pipol, plenty rish.

Deutronomi 14:2

Bikos una dey holy to di Oga una God, na-im make am choose una as en pipol wey E love pass among evry oda tin for dis world.

Deutronomi 26:18

Today, God don sey una bi en pipol, en betta gift wey E value well-well, just as E promise, so una must obey en kommand.

Deutronomi 32:9

Na God get di pipol for Israel; na Jakob bi en special propaty.

Deutronomi 7:6

Bikos una dey holy and na di Oga una God bi una papa. From all di pipol wey dey di eart, di Oga una God don choose una to bi en own special pipol.

Deutronomi 9:26

I pray to am, “My Oga God, make Yu nor distroy yor pipol wey bi yor betta propaty; pipol wey Yu save with yor own pawa kon take dem komot from Egypt with yor strent.

Deutronomi 9:29

Dem bi yor pipol, yor betta propaty wey Yu take komot Egypt with yor great strent and pawa.”

Titus 2:14

E die for us, so dat e go free and klean us from wikedness kon turn us to en own pipol wey like to do good tins.

1 Pita 2:9

But God don choose una to bi en priest and holy pipol, so dat una go prish di Good News, bikos E koll una from darkness kon enter en brite lite.